ଦଶପଲ୍ଲା, (ନୟାଗଡ଼ ଦର୍ପଣ) ଓଡ଼ିଶା ପ୍ରଶାସନିକ ସେବା ପରୀକ୍ଷା ରେ ସଫଳତା ପାଇଛନ୍ତି ଦଶପଲ୍ଲା ର ଝିଅ ସୁଶ୍ରୀ ରଶ୍ମିତା ସାହୁ । ପ୍ରକାଶିତ ଫଳ ଅନୁଯାୟୀ ସେ କ୍ରମିକ ସଂଖ୍ୟା ୨୯୩ରେ ଅଛନ୍ତି। ସ୍ଥାନୀୟ ଦୁର୍ଗା ବଜାର କଲୋନୀର ପିତା ଦିବଂଗତ ରଘୁନାଥ ସାହୁ ଓ ମାତା ବାସନ୍ତୀ ସାହୁଙ୍କ ଏକ ମାତ୍ର କନ୍ୟା ଅଟନ୍ତି। ଦୁଇ ଭାଇ ପ୍ରସନ୍ନ ଓ ଭାବଙ୍କ ତଳେ ରଶ୍ମିତା। ସ୍ଥାନୀୟ ରାଧାମୋହନ ଜୀଉ ନୋଡାଲ ଉଚ୍ଚ ବିଦ୍ୟାଳୟ ଓ ଉଚ୍ଚ ମାଧ୍ୟମିକ ନୟାଗଡ଼ ୟୁନିଟେକ୍ ଉଚ୍ଚ ମାଧ୍ୟମିକ ମହାବିଦ୍ୟାଳୟରେ ପାଠ ଶେଷ କରି ଭୁବନେଶ୍ବରର ଏକ ଘରୋଇ କୋଚିଂ ସେଣ୍ଟରରେ ପ୍ରଶାସନିକ ପରୀକ୍ଷା ପାଇଁ ପ୍ରସ୍ତୁତି କରିଥିଲେ। ପ୍ରଶାସନିକ ସେବାରେ ସଫଳତା ହାସଲ କରିଥିବା ଖବର ମିଳିବା ପରେ ପରିବାରରେ ଆନନ୍ଦ ଲହରି ଖେଳି ଯାଇଛି। ଅନୁରୂପ ଭାବେ ବିଦ୍ୟାଳୟ, ମହାବିଦ୍ୟାଳୟର ସହପାଠୀ ଓ ଦଶପଲ୍ଲାର ବିଭିନ୍ନ ଅନୁଷ୍ଠାନ ପକ୍ଷରୁ ତାଙ୍କ ନିକଟକୁ ଶୁଭେଚ୍ଛା ବାର୍ତ୍ତାର ସୁଅ ଛୁଟିଛି।
ଓଡ଼ିଶା ପ୍ରଶାସନିକ ସେବା ପରୀକ୍ଷାରେ ଉତ୍ତୀର୍ଣ୍ଣ ହେଲେ ଦଶପଲ୍ଲାର ଝିଅ ରଶ୍ମିତା
