ଦଶପଲ୍ଲା, (ନୟାଗଡ଼ ଦର୍ପଣ): ନୟାଗଡ ଜିଲ୍ଲା ଦଶପଲ୍ଲା ଥାନା ଅନ୍ତର୍ଗତ ସୁବଳୟା ଠାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୩ ଜଣ ବାଇକ୍ ଚାଳକ ମୃତ ହୋଇଛନ୍ତି।ମୃତକ ମାନେ ହେଲେ ୨ନମ୍ୱର ୱାର୍ଡ ତଅଁଳା ସାହି ର ପରମେଶ୍ବର ଜାନୀ, ୧୬ନମ୍ୱର ୱାର୍ଡ ଖଣ୍ଡପଡ଼ାର ଦୀପକ ମେଡିନିରା, ୮ନମ୍ୱର ୱାର୍ଡ ପଟାମାଳର ଗୋକୁଳି ନାଏକ। ସମସ୍ତ ମୃତକ ଦଶପଲ୍ଲା ଏନ୍ ଏ ସି ଅଞ୍ଚଳର ବୋଲି ଜଣାପଡିଛି। ସୂଚନାଯୋଗ୍ୟ ଯେ ଶନିବାର ଦିନ ମଧ୍ୟାହ୍ନ ସମୟରେ ବାଇକ୍ ନଂ ଓଡି ୨୫ କେ ୬୪୩୮ ଯୋଗେ ନୟାଗଡ ରୁ ଦଶପଲ୍ଲା ଆସିବା ସମୟରେ ଅନ୍ୟ ପଟ ରୁ ଆସୁଥିବା କାର ନଂ ସିଜି ୦୭ ବିପି ୨୯୭୧ ସହ ମୁହାମୁହିଁ ଧକ୍କା ହେବା ଫଳରେ ସେହି ସ୍ଥାନରେ ମୃତ୍ୟୁ ଘଟିଛି। ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଆୟତ୍ତ କରିବା ସହିତ ମୃତ ବ୍ୟକ୍ତିଙ୍କୁ ସବବ୍ୟବଛେଦ ପାଇଁ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ଏହି ଘଟଣା ପରେ ସ୍ଥାନୀୟ ଅଂଚଳରେ ଚାଞ୍ଚଲ୍ୟ ଖେଳି ଯାଇଛି ଓ ଲୋକମାନଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି।
