ଦଶପଲ୍ଲା,(ନୟାଗଡ଼ ଦର୍ପଣ): ଦଶପଲ୍ଲା ଥାନା ପୁଲିସ ୬୪୦ ଵୋଟଲ କଫ ସିରଫ ଜବତ କରିବା ସହ ଦୁଇଜଣଙ୍କୁ ଗିରଫ କରିଛି। ଦଶପଲ୍ଲା ଥାନା ଖଣ୍ଡପଡ଼ା ଗ୍ରାମର କାଶିନାଥ ପଣ୍ଡାଙ୍କ ପୁଅ ଶଙ୍କର୍ଷଣ ପଣ୍ଡା ଓ ଗଣିଆ ଥାନା ଜଗନ୍ନାଥ ପ୍ରସାଦ ଗ୍ରାମର ଶ୍ୟାମସୁନ୍ଦର ପରିଡ଼ାଙ୍କ ପୁଅ ପ୍ରଭାତ କୁମାର ପରିଡାଙ୍କୁ ଦଶପଲ୍ଲା ପୁଲିସ ଗିରଫ କରିଛି । ସେମାନଙ୍କ ଠାରୁ ୧୦୦ମି.ଲି.ର ୬୪୦ଟି ଵୋଟଲ କଫ ସିରଫ, ଦୁଇଗୋଟି ମଟର ସାଇକେଲ ଏବଂ ୨ଟିମୋବାଇଲ ଫୋନକୁ ଜବତ କରାଯାଇଛି। ଏଥିସହିତ ସେମାନଙ୍କଠାରୁ ୧୦ ଏମଜିର ଲିଭୋସିଜ ଟାବଲେଟ ଜବତ କରିଛି। ଦଶପଲ୍ଲା ଥାନାରେ ଦୁହିଁଙ୍କ ନାମରେ ବିଭିନ୍ନ ଦଫା ଲଗାଇ ୧୮୧/୨୦୨୨ରେ ଏକ ମାମଲା ରୁଜୁ କରାଯାଇ ସେମାନଙ୍କୁ କୋର୍ଟ ଫରୱାର୍ଡ କରାଯାଇଥିବା ଦଶପଲ୍ଲା ଥାନା ଅଧିକାରୀ ବସନ୍ତ କୁମାର ସାହୁ ସୁଚନା ଦେଇଛନ୍ତି ।
ଦଶପଲ୍ଲା ପୁଲିସକୁ ବଡ଼ ସଫଳତା, ୬୪୦ ବୋଟଲ କଫ ସିରଫ ଜବତ, ଦୁଇ ଗିରଫ
