ସରଣକୁଳ,(ନୟାଗଡ଼ ଦର୍ପଣ):- ଦିନକୁ ଦିନ ନୟାଗଡ଼ ଜିଲ୍ଲାରେ ଚୋରା ଗଞ୍ଜେଇ ବ୍ୟବସାୟୀଙ୍କ ପାଦୃଭାବ ବଢିବାରେ ଲାଗିଥିବା ବେଳେ ପୁଲିସ୍ ପକ୍ଷରୁ ଯେତେ ପ୍ରକାରର ଚଢଉ କରାଯଉଥିଲେ ମଧ୍ୟ ଚୋରା ଗଞ୍ଜେଇ ଚାଲାଣ ଉପରେ ରୋକ ଲଗେଇ ପାରୁନି ଜିଲ୍ଲା ପୋଲିସ। ସେହି କ୍ରମରେ ଗତକାଲି ବିଳମ୍ବିତ ରାତିରେ ଶରଣକୁଳ ଦୋସମା ଛକ ନିକଟରେ ଜଣେ ବ୍ୟକ୍ତି ଗଞ୍ଜେଇ ଚାଲାଣ କରୁଥିବା ନେଇ ଶରଣକୁଳ ପୁଲିସ୍ କୌଣସି ସୁତ୍ରରୁ ଖବର ପାଇ ଚଢଉ କରିଥିଲା। ତେବେ ଚଢଉ ସମୟରେ ଦୋସମା ଗାଁର ରାଜେଶ ବେହେରା(୨୬)ଙ୍କ ଠାରୁ ୨୦କେଜି ୬ଶହ ଗ୍ରାମ ଗଞ୍ଜେଇ ଓ ଗୋଟିଏ ଦେଶୀ ବନ୍ଧୁକ ଜବତ କରି ଥାନାକୁ ଆଣି ପଚରାଉଚରା କରିବା ପରେ ଥାନାରେ କେସ୍ ନଂ-୯୪/୨୦୨୧ରେ ମାମଲା ରୁଜୁ ସହିତ ରାଜେଶକୁ ଗିରଫ୍ କରି ଆଜି କୋର୍ଟ ଚାଲାଣ କରାଯାଇଥିବା ନେଇ ସରଣକୁଳ ଥାନା ଅଧିକାରୀ ପୂର୍ଣ୍ଣଚନ୍ଦ୍ର ପଟ୍ଟାୟତ ସୂଚନା ଦେଇଛନ୍ତି।
ସରଣକୁଳ ପୋଲିସ ଦ୍ୱାରା ଗଞ୍ଜେଇ ଜବତ, ବ୍ୟବସାୟୀ ଗିରଫ
