ନୟାଗଡ଼,(ନୟାଗଡ଼ ଦର୍ପଣ):- ପ୍ରତିବର୍ଷ ଗରିବ ଅସହାୟ ଅଭାବୀ ଗ୍ରସ୍ତ ଲୋକମାନଙ୍କୁ ଅନ୍ନଦାନ କରି ରୋଟାରୀ କ୍ଳବ୍ ଅନ୍ନପୂର୍ଣ୍ଣା ଦିବସ ପାଳନ କରିଆସୁଥିବା ବେଳେ ଆଜି ଏହି ପରିପ୍ରେକ୍ଷୀରେ ପବିତ୍ର ରଥଯାତ୍ରା ଅବସରରେ ନୟାଗଡ଼ ରୋଟାରୀ କ୍ଳବ୍ ସଭାପତି ଧୀରେନ୍ଦ୍ର କୁମାର ପଟ୍ଟନାୟକଙ୍କ ନେତୃତ୍ବରେ ସ୍ଥାନୀୟ ଲେଖନପୁର ଠାରେ ଗଢ଼ି ଉଠିଥିବା ସମର୍ପଣ ବୃଦ୍ଧାଶ୍ରମର ଅନ୍ତେବାସୀମାନଙ୍କୁ କ୍ଳବ୍ ତରଫରୁ ଅନ୍ନଦାନ କରି ଅନ୍ନପୂର୍ଣ୍ଣା ଦିବସ ପାଳନ କରାଯାଇଛି। ଏହି କାର୍ଯ୍ୟକ୍ରମରେ ରୋଟାରୀ କ୍ଳବର ସଂପାଦକ ମିହିର ରଂଜନ ନାୟକ, କୋଷାଧ୍ୟକ୍ଷ ଲକ୍ଷ୍ମୀ ନାରାୟଣ ରଥ, ରୋଟାରିଆନ୍ ପ୍ରସନ୍ନ କୁମାର ବସନ୍ତିଆ ଓ ସମର୍ପଣ ପରିଚାଳନା କମିଟିର ସଂପାଦକ ଅରୁଣ କୁମାର ମହାନ୍ତି ଉପସ୍ଥିତ ଥିଲେ। କ୍ଳବର ଏତାଦୃଶ କାର୍ଯ୍ୟକ୍ରମରେ ଅନ୍ତେବାସୀମାନେ ଖୁସି ବ୍ଯକ୍ତି କରିଥିଲେ।
