ନୂଆଗାଁ, (ନୟାଗଡ଼ ଦର୍ପଣ): ନୂଆଗାଁ ବ୍ଲକର ପୂର୍ବତନ ଅଧ୍ୟକ୍ଷ ତଥା କନ୍ଧମାଳ ସାଂସଦଙ୍କ ପ୍ରତିନିଧି ଥିବା ସ୍ଵର୍ଗତ ବିଜୟ କୁମାର ଶାସମଲଙ୍କ ଏକାଦଶରେ ସ୍ମୃତି ଚାରଣ ସଭା ଅନଷ୍ଠିତ ହୋଇଯାଇଛି। ପୂର୍ବତନ ସରପଂଚ ଗୋଲକ ବିହାରି ଗୋଚ୍ଛାୟଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଦଶପଲ୍ଲା ବିଧାୟକ ତଥା ଜିଲ୍ଲା ବିଜେଡ଼ି ସଭାପତି ରମେଶ ଚନ୍ଦ୍ର ବେହେରା, ନୂଆଗାଁ ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି ଶଙ୍କର୍ଷଣ ବେହେରା, ଦଶପଲ୍ଲା ଅଧ୍ୟକ୍ଷାଙ୍କ ପ୍ରତିନିଧି ଉପେନ୍ଦ୍ର କୁମାର ସାହୁ, ଜିଲ୍ଲା ବିଜେଡ଼ି ଉପସଭାପତି ଦିଲ୍ଲୀପ କୁମାର ଦଳବେହେରା, ନୂଆଗାଁ ବିଜେଡ଼ି ସଭାପତି ସନାତନ ସାମଲ, ମହିପୁର ସେବା ସମବାୟ ସମିତି ମ୍ୟାନେଜର ସରୋଜ ସାହାଣୀ, ନୂଆଗାଁ କଲେଜର ପୂର୍ବତନ ଅଧ୍ୟକ୍ଷ ଭିକାରି ଚରଣ ସ୍ୱାଇଁ, ଅବସରପ୍ରାପ୍ତ ଶିକ୍ଷକ ମଦନମୋହନ ପ୍ରଧାନ, ଭଜମନ ପରିଡ଼ା, ଶିକ୍ଷକ ବିନାୟକ ପରିଡ଼ା, ସୁଦାମ ଚରଣ ନାୟକ, ସୁରେନ୍ଦ୍ର ପ୍ରଧାନ, ମାଇଛେଳି ସରପଞ୍ଚ ଙ୍କ ପ୍ରତିନିଧି ଦାଶରଥି ପ୍ରଧାନ ପ୍ରମୁଖ ସମସ୍ତ ବିଜେଡ଼ି କର୍ମକର୍ତ୍ତା ଓ ସରକାରୀ ଏବଂ ବେସରକାରୀ ପ୍ରଶାସନିକ ଅଧିକାରୀ ସମେତ ୨୨ ଟି ପଞ୍ଚାୟତର ଜନପ୍ରତିନିଧି ପ୍ରମୁଖ ଉପସ୍ଥିତ ହୋଇ ସ୍ବର୍ଗତ ବିଜୟ କୁମାର ଶାସମଲଙ୍କ ଅମର ଆତ୍ମାର ସଦଗତି କାମନା କରିବା ସହ ନୀରବ ପ୍ରାର୍ଥନା କରିଥିଲେ। ତାଙ୍କ ରାଜନୈତିକ ଜୀବନ ରେ ଆଦିବାସୀ ଅଞ୍ଚଳ ଜାକେଡା ପଞ୍ଚାୟତରେ ଦୁଇଥର ସମିତି ସଭ୍ୟ ଭାବେ ନିର୍ବାଚିତ ହୋଇ ବ୍ଲକ ଅଧ୍ୟକ୍ଷ ଓ ଉପାଧ୍ୟକ୍ଷ ଭାବେ ନିଜକୁ ପ୍ରତିଷ୍ଠିତ କରିପାରିଥିଲେ। ସମଗ୍ର ନୂଆଗାଁ ଅଞ୍ଚଳ ପାଇଁ ସେ ଜଣେ ଦରଦୀ ବନ୍ଧୁ, ନା ଥିଲା ଗର୍ବ, ନା ଥିଲା ଅହଂକାର, ମେଳାପୀ ପରୋଉପକାରି ବ୍ୟକ୍ତି ଭାବେ ପରିଚିତ ଥିଲେ। ଏଭଳି ଜଣେ ବିଜେଡ଼ିର ଆଗଧାଡିର ଦକ୍ଷ ସଂଗଠକ ଙ୍କ ଶୂନ୍ୟସ୍ଥାନ ପୂରଣ କରିବା ନୂଆଗାଁ ଅଞ୍ଚରେ ଅସମ୍ଭବ ବୋଲି ଅଥିତି ମାନେ ମତ ଦେଇ ଥିଲେ ।ପୂର୍ବତନ ବ୍ଲକ୍ ଅଧ୍ୟକ୍ଷ ଙ୍କ ସ୍ମୃତି ଉଦ୍ଦେଶ୍ୟରେ ଏକ ଭଜନ ସମାରୋହ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
