ଦଶପଲ୍ଲା,(ନୟାଗଡ଼ ଦର୍ପଣ): ନୟାଗଡ଼ ଜିଲ୍ଲା ଦଶପଲ୍ଲା ଥାନାକୁ ମିଳିଛି ସଫଳତା । ଗାଡି ସହ କଫ ସିରଫ, ମଦ ଓ କିଛି ନିଶା ଦ୍ରବ୍ୟ ଦଶପଲ୍ଲା ପୁଲିସ ଜବତ କରିବା ସହିତ ଜଣକୁ ଗିରଫ କରିଛି । ଗତ କାଲି ଦଶପଲ୍ଲା ପୁଲିସ ପକ୍ଷରୁ ପେଟ୍ରୋଲିଂ କରାଯାଉଥିବା ବେଳେ କୌଣସି ସୁତ୍ରରୁ ଖବର ପାଇ ଘୋଳାହାଣ୍ଡି ଓସ୍ତ ଛକଠାରେ ଶଙ୍କର ପ୍ରଧାନ ଓରଫ ଭାଲୁଙ୍କ ଦୋକାନରେ ଚଢ଼ଉ କରିଥିଲେ । ତାଙ୍କ ଠାରୁ ୨୩ ଗୋଟି କଫ ସିରଫ ବୋଟଲ ଜବତ କରିବା ସହ ୬ ଗୋଟି କିଙ୍ଗଫିସର ବିୟର, ୯ ଗୋଟି ବାକାଡି ବ୍ଲାକ ମଦ, ୬ ଗୋଟି ମାକଡ୍ରଲ ଓ କିଛି ନିଶା ଔଷଧ ଜବତ କରିଥିଲେ । ଏଥି ସହିତ ଓଡି୨୫ଏଚ୦୪୯୪ ଗ୍ଲାମର ମଟର ସାଇକେଲ ଗାଡିକୁ ଜବତ କରାଯାଇଛି । ଦଶପଲ୍ଲା ଥାନା କେସ ନଂ ୨୧୭/୨୩ରେ ମାମଲା ରୁଜ କରାଯାଇ ଶଙ୍କରକୁ କୋର୍ଟ ଚାଲାଣ କରାଯାଇଥିବା ଥାନା ପକ୍ଷରୁ ସୂଚନା ମିଳିଛିl
ଦଶପଲ୍ଲା ଥାନାକୁ ବଡ଼ ସଫଳତା, ଜଣକୁ ଗିରଫ କରିବା ସହ ବିଭିନ୍ନ ନିଶା ଦ୍ରବ୍ୟ ଏବଂ ଗାଡି ଜବତ
