ଓଡ଼ଗାଁ,(ନୟାଗଡ଼ ଦର୍ପଣ): ଓଡ଼ିଶା ସରକାରଙ୍କ ଖାଦ୍ୟ ଆୟୋଗ ସଚିବ ଓଡ଼ଗାଁ ଗ୍ରସ୍ତରେ ଆସି ବିଭିନ୍ନ ଛତୁ ଫାର୍ମ, ଗାଈ ଫାର୍ମ, ସ୍ବୟଂ ସହାୟକ ଗୋଷ୍ଠୀ, ମିସନ ଶକ୍ତି ଗୃହ ଆଦି ବୁଲି ଦେଖିଛନ୍ତି। ସୂଚନାଥାଉକି, ଓଡ଼ିଶା ରାଜ୍ୟ ଆୟୋଗ ସଚିବ ପ୍ରମୋଦ କୁମାର ମେକାର୍ପ, ଖାଦ୍ୟ ଆୟୋଗ କମିଟର ସଦସ୍ୟ ଦିଗବିଜୟ ନାଥ ପାଢୀ, ପ୍ରଶାସନିକ ଅଧିକାରୀ ସମରେନ୍ଦ୍ର ଷଡ଼ଙ୍ଗୀ, ପରାମର୍ଶଦାତା ତମାଲ ରେଜା ଓ ନୟାଗଡ଼ର ଜିଲ୍ଲା ପ୍ରଶାସନିକ ଅଧିକାରୀ ଓଡ଼ଗାଁ ବ୍ଲକ୍ ଶରଣକୁଳର କିଛି ହିତାଧିକାରୀଙ୍କ ସହିତ ଆଲେଚନା କରିବା ପରେ ହରିହରପୁର ଠାରେ ସ୍ବୟଂ ସହାୟକ ଗୋଷ୍ଠୀ ମହିଳାଙ୍କ ସହିତ ଆଲୋଚନା କରିଥିଲେ। ସେଠାରେ ଥିବା ଛତୁଫାର୍ମ ଓ ଗାଈ ଫାର୍ମ ବୁଲି ଦେଖିଥିଲେ। ସରକାରଙ୍କ ପକ୍ଷରୁ ସମସ୍ତ ସରକାରୀ ସାହାଯ୍ୟ ସହଯୋଗ ଠିକ୍ ଭାବେ ମିଳୁଛି କି ନାହିଁ ସେ ବିଷୟରେ ପଚାରି ବୁଝିଥିଲେ। ସେଠାରୁ ଶିଖରପୁର ଯାଇ ଅଙ୍ଗନବାଡ଼ି କେନ୍ଦ୍ର ବୁଲି ଦେଖିବା ସହିତ ସମସ୍ତ ଗର୍ଭବତୀ ମା’ମାନେ ମମତା ଯୋଜନାରେ ଅର୍ଥ ପାଉଛନ୍ତି କି ନାହିଁ ବୁଝିବା ସହିତ ବଡ଼ଗୋରଡା ପଂଚାୟତରେ ନିର୍ମାଣ ହୋଇଥିବା ମୋ’ ଉପକାରୀ ବଗିଚା ମହିଳାଙ୍କୁ କେତେ ସ୍ବାବଲମ୍ବୀ କରିଛି ତାହା ଦେଖିଥିଲେ। ସେଠାରୁ କୁରାଳ ସ୍ମାର୍ଟ ସ୍କୁଲ ପରିଦର୍ଶନ କରି ଛାତ୍ରଛାତ୍ରୀଙ୍କ ଗହଣରେ ବସି ପାଠପଢା ସଂପର୍କରେ ଆଲୋଚନା କରିଥିଲେ। ବର୍ତମାନ ସ୍କୁଲ ପରିବର୍ତନ କେତେ ଆଗ୍ରହ ସୃଷ୍ଟି କରିଛି ସେ ବିଷୟରେ ପଚାରି ବୁଝିବା ସହିତ ପିଲାଙ୍କୁ ମନଦେଇ ପାଠ ପଢିବାକୁ ଆହ୍ବାନ ଦେଇଥିଲେ। କିନ୍ତୁ ସେଠାରୁ ରଙ୍ଗଣିପାଟଣା ସ୍ବୟଂ ସହାୟକ ଗୋଷ୍ଠୀ ଓ ଓଡ଼ଗାଁ ଜୟ ଜଗନ୍ନାଥ ମିସନ୍ ଶକ୍ତି ଟେଲରିଂ ସେଣ୍ଟରକୁ ନ ଆସିବାରୁ ମହିଳାଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ସଚିବଙ୍କୁ ସ୍ବାଗତ କରିବାକୁ ମହିଳାମାନେ ଘଣ୍ଟା ଘଣ୍ଟା ଧରି ଅପେକ୍ଷା କରିଥିଲେ ସେ ନ ଆସିବାରୁ ମହିଳାମାନେ ନିରାଶ ହୋଇ ଫେରିଥିଲେ। ତାଙ୍କ ସହିତ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ସୁବାସ ଚନ୍ଦ୍ର ରାୟ, ବିଡ଼ିଓ ସ୍ବାତୀଲେଖା ଦାଶ ଏବଂ ଜିଲ୍ଲା ଓ ବ୍ଲକର ବିଭିନ୍ନ ବିଭାଗର ବହୁ ଅଧିକାରୀ ଉପସ୍ଥିତ ଥିଲେ।
Related posts
-
ବରକନ୍ୟା ଝରଣାରେ ଶ୍ରୀରାମକୃଷ୍ଣ ଆଦର୍ଶ ଶିକ୍ଷାକେନ୍ଦ୍ର ନୟାଗଡ଼ର ସେବାବ୍ରତୀ ଆଚାର୍ଯ୍ୟ ଆଚାର୍ଯ୍ୟାମାନଙ୍କର ବନ ବିହାର କାର୍ଯ୍ୟକ୍ରମ
Comments Off on ବରକନ୍ୟା ଝରଣାରେ ଶ୍ରୀରାମକୃଷ୍ଣ ଆଦର୍ଶ ଶିକ୍ଷାକେନ୍ଦ୍ର ନୟାଗଡ଼ର ସେବାବ୍ରତୀ ଆଚାର୍ଯ୍ୟ ଆଚାର୍ଯ୍ୟାମାନଙ୍କର ବନ ବିହାର କାର୍ଯ୍ୟକ୍ରମନୟାଗଡ଼, (ନୟାଗଡ଼ ଦର୍ପଣ): ନୟାଗଡ଼ ଶ୍ରୀରାମକୃଷ୍ଣ ଆଦର୍ଶ ଶିକ୍ଷାକେନ୍ଦ୍ରର ସମସ୍ତ ସେବାବ୍ରତୀ ଆଚାର୍ଯ୍ୟ ଆଚାର୍ଯ୍ୟାମାନଙ୍କର ପ୍ରତିବର୍ଷ ପରି ଚଳିତବର୍ଷ ବରକନ୍ୟା ଝରଣାରେ... -
ଓଡ଼ଗାଁରେ ‘ସଙ୍ଗୀତଧାରା’ ପକ୍ଷରୁ ଭକ୍ତିସଙ୍ଗୀତ ଅଡିସନ, ୧୩ ଜଣ ସେମି ଫାଇନାଲକୁ ଉନ୍ନୀତ
ନୟାଗଡ଼,(ନୟାଗଡ଼ ଦର୍ପଣ): ‘ସଙ୍ଗୀତଧାରା’ ନୟାଗଡ଼ ପକ୍ଷରୁ ଓଡ଼ଗାଁରେ ପ୍ରଥମ ପର୍ଯ୍ୟାୟ ଭକ୍ତି ସଙ୍ଗୀତ ଅଡିସନ ଓଡ଼ଗାଁ ସାମ୍ବାଦିକ ସଂଘ ସଭାପତି ଅଶୋକ... -
ବିଜେଡିର ପଦଯାତ୍ରା ପାଇଁ ପ୍ରସ୍ତୁତି ବୈଠକ
ନୟାଗଡ଼,(ନୟାଗଡ଼ ଦର୍ପଣ): ନୟାଗଡ଼ ବିଜୁ ଜନତା ଦଳ କାର୍ଯ୍ୟାଳୟରେ ପଦଯାତ୍ରା ନିମନ୍ତେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ନୟାଗଡ଼ ବିଧାୟକ...