ନୟାଗଡ଼,(ନୟାଗଡ଼ ଦର୍ପଣ): ସରଣକୁଳ ବାଉଁଶିଆ ସ୍ଥିତ ସମାଜ କଲ୍ୟାଣ ସଙ୍ଗଠନ ‘ଆଶ୍ରୟ’ ପକ୍ଷରୁ ପବିତ୍ର ଗାନ୍ଧି ଓ ଶାସ୍ତ୍ରୀ ଜୟନ୍ତୀ ଅବସରରେ ସ୍ୱେଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ‘ଆଶ୍ରୟ’ର ଉପଦେଷ୍ଟା ତଥା ବିଶିଷ୍ଟ ଶିକ୍ଷାବିତ ପ୍ରଫେସର ଡଃ.ସତ୍ୟନାରାୟଣ ଗାଲଙ୍କ ପ୍ରତିମୂର୍ତ୍ତୀ ଅନାବରଣ ସହ ସମାଜସେବୀ ତଥା ‘ଆଶ୍ରୟ’ର ଉପଦେଷ୍ଟା ମନୋରାମା ମହାପାତ୍ରଙ୍କ ଉଦ୍ଦେଶ୍ୟରେ ସ୍ମୃତିସଭା ପାଳିତ ହୋଇ ଯାଇଛି । ଉକ୍ତ ରକ୍ତଦାନ ଶିବିରରେ ୫୬ଜଣ ରକ୍ତଦାନ କରିଥିଲେ । ଏହି ଅବସରରେ ‘ଆଶ୍ରୟ’ର ପ୍ରତିଷ୍ଠାତା ଲୋକନାଥ ଦାଶ ୧୩୮ଥର ରକ୍ତଦାନ କରି ଉକ୍ତ ଶିବିରକୁ ଉଦଘାଟନ କରିବା ସହ କାର୍ଯ୍ୟକ୍ରମକୁ ସୁଚାରୁ ରୁପେ ପରିଚାଳନା କରିଥିଲେ । ଏହି କାର୍ଯ୍ୟକ୍ରମରେ ପ୍ରଫେସର ଡଃ.ସୁହାସିନୀ ମହାପାତ୍ର, ରକ୍ତ ଭଣ୍ଡାର ଅଧିକାରୀ ଡ.ଅଜୟ କୁମାର ବାହିନୀପତି, ଡ. ଅଂଶୁମାନ ସାହୁ, ସମାଜସେବୀ ଦାମୋଦର ସାହୁ, ଅଧ୍ୟାପକ ନାରାୟଣ ପ୍ରଧାନ, ବ୍ରଜ କିଶୋର ମହାପାତ୍ର, ଭବାନୀ ଶଙ୍କର ଦାଶ, ରମେଶ ଚନ୍ଦ୍ର ମହାପାତ୍ର, ପାଣ୍ଡବ ନାୟକ, କୃଷ୍ଣଚନ୍ଦ୍ର ମହାପାତ୍ର, ଭାଗୀରଥି ସାହୁ, ପ୍ରଫୁଲ୍ଲ ନାହାକ, ଅନୀଲ କୁମାର ପ୍ରଧାନ, ରାମକୃଷ୍ଣ ମହାରଣା, ଭିକାରୀ ଚରଣ ସ୍ୱାଇଁ, ଦିଲ୍ଲୀପ କୁମାର ସାହୁ, ଚିତରଞ୍ଜନ ପ୍ରଧାନ, ଅଲେଖ ନାହାକ ଓ ଶଙ୍କର ପ୍ରଧାନ ସହଯୋଗ କରିଥିଲେ ।
ପବିତ୍ର ଗାନ୍ଧୀ ଜୟନ୍ତୀରେ ‘ଆଶ୍ରୟ’ ପକ୍ଷରୁ ରକ୍ତଦାନ ଶିବିର
