ନୟାଗଡ଼: ନୟାଗଡ଼ର ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ “ସୋହମ” କାର୍ଯ୍ୟାଳୟ ପରିସରରେ ୭ମ ଆନ୍ତର୍ଜାତିକ ଯୋଗ ଦିବସ ଅନୁଷ୍ଠାନର ଉପ-ସଭାପତି ଶ୍ରୀଯୁକ୍ତ ଅନାଦି ଚରଣ ମହାନ୍ତିଙ୍କ ସଭାପତିତ୍ତ୍ୱରେ, ସମ୍ପାଦକ ଶ୍ରୀ କାମାକ୍ଷା ପ୍ରସାଦ ଦାଶଙ୍କ ସଂଯୋଜନାରେ ପାଳିତ ହୋଇଯାଇଅଛି । ଏହି ଉତ୍ସବରେ ଯୋଗ ପ୍ରଶିକ୍ଷକ ଶ୍ରୀଯୁକ୍ତ ପ୍ରଶାନ୍ତ କୁମାର ଶତପଥି ଅନୁଷ୍ଠାନର ସଦସ୍ୟ ମାନଙ୍କୁ ପ୍ରାୟୋଗିକ ଯୋଗ ଶିକ୍ଷା ଦେଇଥିଲେ । ସଦସ୍ୟମାନେ ପବନ ମୁକ୍ତାସନ, ସୂର୍ଯ୍ୟନମସ୍କାର ଓ ପ୍ରାଣୟମ ଅଭ୍ୟାସ କରିଥିଲେ ।
ଏହାପରେ ଦର୍ଶନ ଅଧ୍ୟାପକ ଶ୍ରୀଯୁକ୍ତ ବିଜୟାନନ୍ଦ ଶତପଥି ଯୋଗ ଦର୍ଶନର ଅଷ୍ଠାଙ୍ଗ ଯୋଗ ସମ୍ବନ୍ଧରେ ବିସ୍ତୃତ ଭାବେ ଆଲୋକପାତ କରିଥିଲେ। ପରିଶେଷରେ ଯୋଗ ସମ୍ବନ୍ଧୀୟ ପ୍ରଶ୍ନୋତ୍ତର କାର୍ଯ୍ୟକ୍ରମ ହୋଇଥିଲା । ଏଥିରେ ଅନୁଷ୍ଠାନର ଶ୍ରୀ ରଘୁନାଥ ଦାଶ, ନରେନ୍ଦ୍ର କୁମାର ବେହେରା, ଶିବପ୍ରସାଦ ସାହୁ, ହରପ୍ରସାଦ ତ୍ରିପାଠୀ ଓ ଚରଣ ଗୁରୁ ପ୍ରମୁଖ ଯୋଗଦେଇ ଉତ୍ସବଟିକୁ ସାଫଲ୍ୟ ମଣ୍ଡିତ କରିଥିଲେ ।
