ନୟାଗଡ଼,(ନୟାଗଡ଼ ଦର୍ପଣ): ପୁଲିସକୁ ଚକମା ଦେଉଥିବା ଦୁଇ ଚୋରା ମଦ ବ୍ୟବସାୟୀ ଗିରଫ। ଦୀର୍ଘ ଦିନ ଧରି ଖଣ୍ଡପଡ଼ା ପୁଲିସକୁ ଚକମା ଦେଇଆସୁଥିବା ମଦ ବ୍ୟବସାୟୀ ବର୍ତ୍ତମାନ ନୟାଗଡ଼ ସଦରଥାନା ପୁଲିସ ହାତରେ ଧରାପଡ଼ିଛନ୍ତି। ଦେଶୀ ମଦ ପାଉଚ ନେଇ ବ୍ୟବସାୟୀମାନଙ୍କୁ ଦେବାକୁ ଯାଉଥିବା ସମୟରେ ୨ଜଣଙ୍କୁ କାବୁ କରିଥିଲା ସଦର ଥାନା ପୁଲିସ୍ । ପୁଲିସ୍ ଏହି ମାମଲାରେ ୨ଜଣଙ୍କୁ ଗିରଫ କରିଥିବା ବେଳେ ଗୋଟିଏ ମୋଟର ସାଇକେଲ ଜବତ କରିଛି । ସୂଚନାନୁସାରେ, ଖଣ୍ଡପଡ଼ା ଥାନା ଅଧିନରେ ଥିବା ଯୋଗିଆପଲ୍ଲୀ ଗାଁର ଏହି ଦୁଇବ୍ୟକ୍ତି ବହୁ ଦିନ ଧରି ଚୋରାରେ ମଦ ବ୍ୟବସାୟ କରିଆସୁଥିଲେ । ପୁଲିସ ଚଢ଼ାଉ କରିବା ପାଇଁ ଯିବାବେଳେ ପୂର୍ବ ସୂଚନା ପାଇ ଚତୁରତାର ସହ ପୁଲିସକୁ ଚକମା ଦେଇ ଖସି ଯାଉଥିଲେ । ରବିବାର ସଟଡାଉନ ଥିବାବେଳେ ବିଳମ୍ବିତ ରାତିରେ ହିରୋହୁଣ୍ଡା ମଟସାଇକେଲ ନଂ (ଓଆର ୦୨ୟୁ ୫୧୬୨)ରେ ଦୁଇ ଜଣ ବ୍ୟକ୍ତି ଯୋଗିଆପଲ୍ଲୀରୁ ନୟାଗଡ଼ ଆସୁଥିବା ବେଳେ ସଦରଥାନା ପୁଲିସ୍ ପେଟ୍ରୋଲିଂ ହାବୁଡ଼ରେ ପଡିଥିଲେ । ସେମାନଙ୍କ ନିକଟରୁ ୨୩୦ ପ୍ୟାକେଟ୍ ଦେଶୀ ମଦ ପାଉଚ ଓ ମଟରସାଇକେଲ୍ ଜବତ କରାଯାଇଛି । ଥାନାରେ କେସ୍ ନଂ ୯୨/୨୦୨୧ରେ ମାମଲା ରୁଜୁ କରି ଦୁହିଁଙ୍କୁ ଗିରଫ କରାଯାଇଥିବା ସଦରଥାନା ଅଧିକାରୀ ଦୀପକ୍ କୁମାର ଖଣ୍ଡାୟତରାୟ ସୂଚନା ଦେଇଛନ୍ତି।
ବିପୁଳ ପରିମାଣରେ ଦେଶୀ ମଦ ଜବତ, ଦୁଇ ଗିରଫ
