ରଣପୁର,(ନୟାଗଡ଼ ଦର୍ପଣ): କନ୍ଧ ନୟାଗଡ଼ – ଟାଙ୍ଗି ୪କି.ମି ରାସ୍ତା ପ୍ରଶସ୍ତିକରଣ ପ୍ରକଳ୍ପର ଶୁଭ ଉଦ୍ଘାଟନ କରାଯାଇଅଛି। ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ଓଡ଼ିଶା ବିଧାନସଭାର ବାଚସ୍ପତି ସୁରମା ପାଢୀ ଯୋଗଦେଇଥିଲେ ଏବଂ ତାଙ୍କ ସହିତ ଭୁବନେଶ୍ଵର ସାଂସଦ ଅପରାଜିତା ଷଡ଼ଙ୍ଗୀ, ପୁରୀ ସାଂସଦ ସମ୍ବିତ ପାତ୍ର, ଖୋର୍ଦ୍ଧା ବିଧାୟକ ପ୍ରଶାନ୍ତ କୁମାର ଜଗଦ୍ଦେବ ପ୍ରମୁଖ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମକୁ ଚାନ୍ଦପୁର ମଣ୍ଡଳ ସଭାପତି ସୁବର୍ଣ୍ଣ ସିଂହ, ଗୋପାଳପୁର ମଣ୍ଡଳ ସଭାପତି ନିର୍ମଳ ମତ୍ତ ଗଜସିଂହ, ରଣପୁର ନିର୍ବାଚନ ମଣ୍ଡଳୀ ସଂଯୋଜକ ପରେଶ ମିଶ୍ର, ଚାନ୍ଦପୁର ମଣ୍ଡଳ ଉପ ସଭାପତି ଗଣେଶ୍ୱର ମାନ୍ଧାତା, ଚମ୍ପାଗଡ ପଞ୍ଚାୟତ ସଭାପତି ରବିନ୍ଦ୍ର ସାମନ୍ତ ସହଯୋଗ କରିଥିଲେ। ସୂଚନା ଥାଉ କି, ଏହି ପ୍ରକଳ୍ପରେ ମୋଟ୍ ୪କି.ମି ରାସ୍ତା ପାଇଁ ୧୪ କୋଟି ଟଙ୍କା ମଞ୍ଜୁର କରାଯାଇଥିବା ଜଣା ପଡିଛି। ୨୦୨୫ ମସିହା ଜାନୁଆରୀ ମାସ ସୁଦ୍ଧା କାମ ଶେଷ କରିବା ପାଇଁ ଅବଧି ଦିଆଯାଇଅଛି।
