ଦଶପଲ୍ଲା; ମହାମାରୀ କରୋନା ପ୍ରକୋପରୁ ଜନସାଧାରଣଙ୍କୁ ସୁରକ୍ଷା ଓ ସଚେତନ କରିବା ଲକ୍ଷରେ, ଦଶପଲ୍ଲା ବିଧାୟକ ତଥା ନୟାଗଡ଼ ଜିଲ୍ଲା ବିଜେଡି ସଭାପତି ଶ୍ରୀଯୁକ୍ତ ରମେଶ ଚନ୍ଦ୍ର ବେହେରା ଦଶପଲ୍ଲା ନିର୍ବାଚନ ମଣ୍ଡଳୀର ଟାକରା ପଂଚାୟତର ଟାକରା, ବୁରୁସାହି, ବୁଗୁଡା କଲୋନୀ, ମିଟୁକୁଳି, ତିଳାବାଡି ଗ୍ରାମର ଘରଘର ବୁଲି ମାସ୍କ ଓ ସାନିଟାଇଜର୍ ବଣ୍ଟନ କରିବା ସଂଗେ ସଂଗେ, ଜନସାଧାରଣଙ୍କୁ ଘରେ ରହିବା ସହିତ, ସାମାଜିକ ଦୂରତ୍ବ ଓ କୋଭିଡ୍ ନିୟମ ମାନି ଚଳିବାକୁ ପରାମର୍ଶ ଦେଇଥିଲେ ।
ବିଧାୟକ ଶ୍ରୀ ବେହେରାଙ୍କ ସହିତ ସାଂସଦ ପ୍ରତିନିଧି ପ୍ରସନ୍ନ କୁମାର ସାହୁ , ପୂର୍ବତନ ଜିଲ୍ଲା ପରିଷଦ ସଭ୍ୟ ପ୍ରଦୀପ୍ କୁମାର ସାହୁ, ଟାକରା ଗ୍ରାମ ପଂଚାୟତର ସରପଂଚ ସଂଯୁକ୍ତା ନାୟକ ଓ ଆଦିବାସୀ ନେତା ଧନେଶ୍ୱର ଜାନୀଙ୍କ ସମେତ ବହୁ ନେତୃବୃନ୍ଦ ଯୋଗ ଦେଇଥିଲେ। କରୋନା ମହାମାରୀ ସମୟରେ ମାନ୍ୟବର ବିଧାୟକଙ୍କର ଏଭଳି ଜନହିତକର କାର୍ଯ୍ୟକୁ ବିଭିନ୍ନ ମହଲରେ ସ୍ବାଗତ କରାଯାଇଛି ।
