ନୟାଗଡ଼,(ନୟାଗଡ଼ ଦର୍ପଣ): ନୟାଗଡ଼ ଜିଲ୍ଲା କ୍ରିଦାଶପୁର ଅଞ୍ଚଳରେ କାଳବୈଶାଖୀରେ ବହୁ ଗଛପଡି କ୍ଷୟକ୍ଷତି ହୋଇଥିବା ଜଣାପଡିଛି। କଞ୍ଚନବିଲିର ବିଭିନ୍ନ ସ୍ଥାନରେ ବର୍ଷା ସହ ପ୍ରବଳ ପବନ ହେବାରୁ ରାସ୍ତା ଉପରେ ବିରାଟ ବିରାଟ ଗଛ ଉପୁଡ଼ି ପଡ଼ି ରାସ୍ତା ଅବରୋଧ ହେବା ସହ ବିଦ୍ୟୁତ ସଂଯୋଗ ବିଚ୍ଛିନ୍ନ ହୋଇପଡିଛି। ଅଗ୍ନିଶମ କର୍ମଚାରୀଙ୍କ ଦ୍ୱାରା ରାସ୍ତା ଉପରେ ପଡ଼ିଥିବା ଗଛକୁ କଟାଯାଇଥିବା ବେଳେ ଜେସିବି ଦ୍ବାରା ବଡ଼ ବଡ଼ କାଠଗଣ୍ଡିକୁ ହଟା ଯାଇଛି । ବିଦ୍ୟୁତ କର୍ମଚାରୀମାନେ ବିଦ୍ୟୁତ୍ ଖୁଣ୍ଟ ଓ ତାର ସଜାଡିବାରେ ଲାଗି ପଡ଼ିଥିବା ଦେଖିବାକୁ ମିଳିଛି। ଏପରିକି କେତେକଙ୍କ ଚାଳ ଛପର ଘର ଉଡି ଯାଇଥିବାବେଳେ କଞ୍ଚନବିଲି ଗ୍ରାମର କୁଳମଣି ବେହେରାଙ୍କ ଝିଅ ଚୁମୁକି ବେହେରା(୩୨) ବଜ୍ରପାତରେ ଆଘାତ ପାଇ ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିବା ଜଣାପଡିଛି।
କାଳବୈଶାଖୀରେ ଗଛପଡି ରାସ୍ତା ଅବରୋଧ, ବିଦ୍ୟୁତ ସଂଯୋଗ ବିଚ୍ଛିନ୍ନ
