ରଣପୁର : ନୟାଗଡ ଜିଲ୍ଲା ରଣପୁର ବ୍ଲକ ଲୋଧାଚୁଆ ପଞ୍ଚାୟତ ଅଫିସ ସମ୍ମୁଖରେ ଏକ ମିନି ଟ୍ରକ ଧକ୍କାରେ ବୃଦ୍ଧଙ୍କ ମୃତ୍ୟୁ ହୋଇଥିବା ଜଣାପଡିଛି। ଖବର ଅନୁସାରେ ଲୋଧାଚୁଆ ପଞ୍ଚାୟତ ଅଧିନସ୍ଥ ବଗଲ ଗ୍ରାମର ହରିହର ପ୍ରଧାନ(୭୦) ସୋମବାର ଅପରାହ୍ନ ସମୟରେ ଲୋଧାଚୁଆ ପଞ୍ଚାୟତକୁ ରାସନ ନେବାକୁ ଆସିଥିଲା ବେଳେ ରାସନ ନେଇ ପଞ୍ଚାୟତ ଅଫିସରୁ ବାହାରି ରାସ୍ତା ପାର ହେଉଥିବା ସମୟରେ ରାଜସୁନାଖଳାରୁ ରଣପୁର ଆଡେ ଆସୁଥିବା ଏକ ବିଦେଶୀ ମଦ ବୋଝେଇ ମିନିଟ୍ରକ ଗାଡ଼ି ନମ୍ବର OD-02-AA-4771 ବୃଦ୍ଧ ହରିହରଙ୍କୁ ସମୁଖ ପଟୁ ଧକ୍କା ଦେଇଥିଲା। ଯାହା ଫଳରେ ହରିହର କିଛି ଦୁର ଛିଟିକି ପଡି ଗୁରୁତର ଆହତ ହୋଇଥିଲେ ତେବେ ସ୍ଥାନୀୟ ଜନସାଧାରଣଙ୍କ ଦ୍ୱାରା ସଙ୍ଗେସଙ୍ଗେ ତାଙ୍କୁ ରଣପୁର ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଥିଲା ଏବଂ ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ରଣପୁର ଆମ୍ବୁଲାନ୍ସ ଯୋଗେ ଖୋର୍ଦ୍ଧା ସରକାରୀ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା ବେଳେ ସେଠାରେ ତାଙ୍କର ମୃତ୍ୟୁ ହୋଇଯାଇଥିଲା। ଯାହାଫଳରେରେ ବଗଲ ଗ୍ରାମରେ ଏକ ଶୋକର ଛାୟା ଖେଳି ଯାଇଛି ଏବଂ ଧକ୍କାଦେଇ ଗାଡି ସେଠାରୁ ଖସି ପଲେଇ ଯାଇଥିବାରୁ ଚାପା ଉତେଜନା ସୃଷ୍ଟି ହୋଇଛି।
