ନୟାଗଡ଼,(ନୟାଗଡ ଦର୍ପଣ): ନୟାଗଡ଼ ବ୍ଲକ ଇକିରି ପଞ୍ଚାୟତରେ ବିଜୁ ଜନତା ଦଳ ପକ୍ଷରୁ ଡିଜିଟାଲ କର୍ମଶାଳା ଅନୁଷ୍ଠିତ ହୋଇଯାଇଛି । ଆଗକୁ ପଞ୍ଚାୟତ ନିର୍ବାଚନ ଅନୁଷ୍ଠିତ ହେବାକୁ ଥିବାବେଳେ ବିଜୁ ଯୁବ ଜନତା ଦଳ ପକ୍ଷରୁ ଯୁବକ ମାନଙ୍କୁ ସୋସିଆଲ ମିଡିଆରେ ସକ୍ରିୟ ରହିବା ପାଇଁ ସଚେତନତା କରାଯାଇଛି । ନୟାଗଡ଼ ବିଧାୟକ ତଥା ମନ୍ତ୍ରୀ ଡ.ଅରୁଣ କୁମାର ସାହୁଙ୍କ ପରାମର୍ଶ କ୍ରମେ ପ୍ରତ୍ୟେକ ପଞ୍ଚାୟତରେ କିପରି ଯୁବକମାନେ ଏଥିରେ ସକ୍ରିୟ ରହିବେ ସେଥିପ୍ରତି ଗୁରୁତ୍ୱ ଦିଆଯାଇଛି । ଇକିରି ଗ୍ରାମପଞ୍ଚାୟତ କଲ୍ୟାଣ ମଣ୍ଡପଠାରେ ଆୟୋଜିତ ଏହି କର୍ମଶାଳାରେ ନୟାଗଡ଼ ବ୍ଲକ ବିଜୁ ଯୁବ ଜନତା ଦଳର ସଭାପତି ଯୁଧିଷ୍ଠିର ବେହେରା, ବିଜୁ ଯୁବ ସମ୍ପାଦକ ମନୋଜ କୁମାର ନାୟକ ଓ ବ୍ଲକ ଡିଜିଟାଲ ସମ୍ପାଦକ ଆଶୁତୋଷ ଦାସ ଯୋଗ ଦେଇଥିଲେ । ଇକିରି ପଞ୍ଚାୟତର ବିଜୁ ଯୁବ ଜନତା ଦଳର ସଭାପତି ରାକେଶ କୁମାର ମହାନ୍ତି ଓ ଡିଜିଟାଲ ସମ୍ପାଦକ ଶୁଭାଶିଷ ନାୟକ ପ୍ରମୁଖ ଯୋଗ ଦେଇ ଯୁବକମାନଙ୍କୁ ଡିଜିଟାଲ ସମ୍ପର୍କରେ ଆଲୋଚନା କରିଥିଲେ ।
ଇକିରି ପଞ୍ଚାୟତରେ ବିଜେଡି ପକ୍ଷରୁ ଡିଜିଟାଲ କର୍ମଶାଳା
