ରଣପୁର,(୩୦/୦୮):- ନୟାଗଡ଼ ଜିଲ୍ଲା ରଣପୁର ବ୍ଳକ ଚାନ୍ଦପୁର ଥାନାରେ ପୋଲିସ DGP ଅଭୟ। ନୟାଗଡ଼ ଜିଲ୍ଲାର ଏକମାତ୍ର ତଥା ରାଜ୍ୟର ୩ନଂ ଅତ୍ୟାଧୁନିକ ଚାନ୍ଦପୁର ଥାନାକୁ ଉଦଘାଟନ କରିବା ସହ ଆଇନ ଶୃଙ୍ଖଳା ପରିସ୍ଥିତି ସମୀକ୍ଷା କରିଛନ୍ତି ରାଜ୍ୟ ପୁଲିସ ମହାନିର୍ଦ୍ଦେଶକ ଶ୍ରୀଯୁକ୍ତ ଅଭୟ। ବହୁ ପ୍ରତୀକ୍ଷାର ଅନ୍ତ ସହ ଆଇନ ଶୃଙ୍ଖଳା ଦିଗରେ ଗୁରୁତ୍ୱ ବହନ କରୁଥିବା ଚାନ୍ଦପୁର ଥାନାକୁ ମୁଖ୍ୟଅତିଥି ଭାବେ ଯୋଗଦେଇ ଉଦଘାଟନ କରିଛନ୍ତି। ଉଦଘାଟନ ସମୟରେ ପୁରୀ ସାଂସଦ ପିନାକୀ ମିଶ୍ର ଏବଂ ରଣପୁର ବିଧାୟକ ସତ୍ୟନାରାୟଣ ପ୍ରଧାନ ପ୍ରମୁଖ ଉପସ୍ଥିତ ଥିଲେ। ଏହି ଥାନା ପୋଲିସ -ଜନସାଧାରଣଙ୍କ ମଧ୍ୟରେ ଏକ ସୁସମ୍ପର୍କ ସ୍ଥାପନ କରିବ ବୋଲି ସାଧାରଣରେ ଚର୍ଚ୍ଚା ହେଉଛି। ନୟାଗଡ଼ ଏସପି ସିଦ୍ଧାର୍ଥ କଟାରିୟା ଶରଣକୂଳ ଏସଡ଼ିପିଓ ଏସ ଟପ୍ପୋ, ଚାନ୍ଦପୁର ଥାନା ଅଧିକାରୀ ରଶ୍ମି ରଞ୍ଜନ ଦାଶ ପ୍ରମୁଖଙ୍କ ଉପସ୍ଥିତିରେ ଥାନା ଉଦଘାଟିତ ହୋଇଯାଇଛି। ଏ ନେଇ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା।
ଅତ୍ୟାଧୁନିକ ନୂତନ ଥାନାର ଉଦଘାଟନ ସହ ଆଇନଶୃଙ୍ଖଳା ପରିସ୍ଥିତିର ସମୀକ୍ଷା କଲେ ପୋଲିସ DGP ଅଭୟ
