ସରଣକୁଳ,(୧୧/୦୮):- ନବ ବିବାହିତା ଜନୈକା ମହିଳା ନିଖୋଜ ହୋଇଥିବା ବେଳେ ମହିଳାଙ୍କ ହତ୍ୟା ସନ୍ଦେହରେ ପରିବାର ଓ ଗ୍ରାମବାସୀଙ୍କ ଦ୍ଵାରା ସରଣକୁଳ ଥାନା ଘେରାଉ। ଶରଣକୁଳ ଅଞ୍ଚଳର ଜଗବନ୍ଧୁ ସାହୁଙ୍କ ପୁଅ ସହିତ ରଣପୁର ଥାନା ଗୋଡ଼ିମଡ଼ା ଗ୍ରାମର ପ୍ରଫୁଲ ସାହୁଙ୍କ ଝିଅ ରୋଜାଲିନଙ୍କର ୨ମାସ ତଳେ ବିବାହ ହୋଇଥିଲା । ବିବାହ ପରେ ରୋଜାଲିନଙ୍କ ସହ ଆଉ ଜଣେ ଯୁବକଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା। ଏହାକୁ ନେଇ ଶଶୁର ଥାନାରେ ଅଭିଯୋଗ କରିବା ପରେ ପୁଲିସ ୨ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। କିନ୍ତୁ ଗତ ରବିବାର ଦିନ ରୋଜାଲିନ ହଠାତ ନିଖୋଜ ହେବା ପରେ ଶଶୁର ପୁଣି ଏକ ଏତଲା ଥାନାରେ ଦେଇଥିବା ଜଣାଯାଇଛି । ନିଖୋଜ ଘଟଣାକୁ ନେଇ ଆଜି ରୋଜାଲିନଙ୍କ ପରିବାର ଏବଂ ଗୋଡିପଡ଼ା ଗ୍ରାମବାସୀ ରୋଜାଲିନଙ୍କୁ ଶଶୁର ଘର ଲୋକେ ହତ୍ୟା କରି ଦେଇଥିବା ଅଭିଯୋଗ କରି ଶରଣକୁଳ ଥାନା ଘେରାଉ କରିଥିଲେ । ଥାନାରେ ଅତିରିକ୍ତ ଆରକ୍ଷୀ ଅଧିକ୍ଷକ ମାଧୁରୀ ସାମଲ ପହଞ୍ଚି ଲୋକଙ୍କୁ ବୁଝାଶୁଝା କରିଥିବା ସୂଚନା ମିଳିଛି ।
ନବ ବିବାହିତା ମହିଳା ନିଖୋଜକୁ ନେଇ ଗ୍ରାମବାସୀଙ୍କ ଦ୍ବାରା ସରଣକୁଳ ଥାନା ଘେରାଉ
