ନୟାଗଡ଼, (ନୟାଗଡ଼ ଦର୍ପଣ): ନୟାଗଡ ସ୍ଥିତ ସୋହମ ସ୍ଵେଚ୍ଛାସେବୀ ସଙ୍ଗଠନ ତରଫରୁ ଏହାର ସଦସ୍ୟ ତଥା ପାରାଢିପି ଉ.ପ୍ରା. ବିଦ୍ୟାଳୟର ଶିକ୍ଷକ ସ୍ୱର୍ଗତ ରମେଶ କୁମାର ବେହେରାଙ୍କ ସ୍ମୃତିରେ ପ୍ରଥମ ଶ୍ରାଦ୍ଧ ବାର୍ଷିକରେ ତାରିଣୀ ନଗର ସ୍ଥିତ କାର୍ଯ୍ୟାଳୟ ଠାରେ ଏକ ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ସ୍ୱର୍ଗତ ବେହେରା ଦୀର୍ଘ ପାଞ୍ଚ ବର୍ଷ ରକ୍ତ କର୍କଟ ରୋଗରେ ଜୀବନ ସହିତ ସଂଗ୍ରାମ କରି ଗତ ବର୍ଷ ଅପ୍ରେଲ ୭ ତାରିଖରେ ମୃତ୍ୟୁ ବରଣ କରିଥିଲେ । ସଙ୍ଗଠନର ଉପସଭାପତି ତଥା ପରିବେଶବିତ୍ ଅନାଦି ଚରଣ ମହାନ୍ତି ଓ ଡାକ୍ତର ଦେବିଦତ୍ତ ଦିବ୍ୟରଞ୍ଜନ ମିଶ୍ର ପ୍ରଦୀପ ପ୍ରଜ୍ବଳନ କରି ଶିବିରକୁ ଉଦଘାଟନ କରିଥିଲେ। ଶିବିରରେ ୧୮ୟୁନିଟ୍ ରକ୍ତ ସଂଗ୍ରହ କରାଯାଇଥିଲା । ଉକ୍ତ କାର୍ଯ୍ୟକ୍ରମକୁ ସୋହମ ସଙ୍ଗଠନର ସମ୍ପାଦକ କାମାକ୍ଷା ପ୍ରସାଦ ଦାଶ ପରିଚାଳନା କରିଥିଲେ। ଏଥିରେ ଶ୍ରୀମତୀ ନିଳୀମା ଶତପଥୀ, ବିନୋଦିନୀ ବରାଡ, ବବିତା ନାୟକ, ସୂର୍ଯ୍ୟକାନ୍ତ ରଥ, ରବୀନ୍ଦ୍ର ନାୟକ, ଶୁଭ୍ରଜିତ୍ ନାୟକ, ଚରଣ ଗୁରୁ, ରଘୁନାଥ ଦାଶ, ଗତିକୃଷ୍ନ ପ୍ରଧାନ, ପ୍ରକାଶ ପ୍ରଧାନ, ଅରୁଣ ଦାଶ, ସାରସ୍ଵତ ବିଭୂପାଦ, ସୁରେନ୍ଦ୍ର କୁମାର ଖଣ୍ଡୁଆଳ ସମେତ ନୟାଗଡ ରକ୍ତଭଣ୍ଡାରର ଅଜୟ କୁମାର ପଟ୍ଟନାୟକ, ପ୍ରକାଶ ପାଣିଗ୍ରାହୀ, ବିଷ୍ଣୁପ୍ରିୟା ସାହୁ ପ୍ରମୁଖ ଯୋଗଦେଇ କାର୍ଯ୍ୟକ୍ରମକୁ ସଫଳ କରାଇଥିଲେ ।
ସଦସ୍ୟଙ୍କ ସ୍ମୃତିରେ ସୋହମ୍ ସଙ୍ଗଠନର ରକ୍ତଦାନ ଶିବିର ଆୟୋଜନ
