ଓଡ଼ଗାଁ,(ନୟାଗଡ଼ ଦର୍ପଣ): ଆଜି ଶିଶୁଦିବସ ଅବସରରେ ଓଡ଼ଗାଁ ବ୍ଲକ୍ କ୍ଲଷ୍ଟର ଅନ୍ତର୍ଗତ କରଡା ହରିହରପୁର ଉଚ୍ଚ ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ନବକିଶୋର ସାହୁଙ୍କ ସଭାପତିତ୍ୱରେ ବାର୍ଷିକ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଯାଇଛି।ଉକ୍ତ କାର୍ଯ୍ୟକ୍ରମରେ ସ୍ଥାନୀୟ ହରିହରପୁର ସରପଞ୍ଚ ବିଳାସିନୀ ଦେଈ ମୁଖ୍ୟଅତିଥି ଭାବେ ଯୋଗଦେଇ ପଣ୍ଡିତ ଜବାହରଲାଲ ନେହେରୁଙ୍କ ଫଟୋଚିତ୍ରରେ ଧୂପ ଦୀପ ପ୍ରଦାନ କରିବା ସହ ଛାତ୍ରଛାତ୍ରୀମାନଙ୍କୁ ପୁରସ୍କାର ବଣ୍ଟନ କରିଥିଲେ।ଅନ୍ୟତମ ଅତିଥି ରୂପେ ଏବିଇଓ ରବୀନ୍ଦ୍ର କୁମାର ନାୟକ,ସିଆରସିସି ଗୋଦାବରୀ ବସନ୍ତିଆ,ଅବସରପ୍ରାପ୍ତ ପ୍ରଧାନଶିକ୍ଷକ ଜନାର୍ଦ୍ଦନ ପ୍ରଧାନ,ଶିକ୍ଷକ ଯଶୋବନ୍ତ ପଟ୍ଟନାୟକ ଏବଂ ବିଦ୍ୟାଳୟ ପରିଚାଳନା କମିଟି ଅଧ୍ୟକ୍ଷା ରାଜଲକ୍ଷ୍ମୀ ମଲ୍ଲିକ ପ୍ରମୁଖ ଉପସ୍ଥିତ ରହି ଛାତ୍ରଛାତ୍ରୀମାନଙ୍କୁ ବିଭିନ୍ନ ଉପଦେଶ ଦେଇଥିଲେ।ଏ ଅବସରରେ ଛାତ୍ରଛାତ୍ରୀମାନେ ନୄତ୍ୟ ପରିବେଷଣ କରିବା ଭିତରେ ଏକ ରୋଚକ ଘଟଣା ଉପସ୍ଥିତ ସମସ୍ତ ଦର୍ଶକଙ୍କୁ ବେଶ୍ ବିମୋହିତ କରିବା ସହ ଚକିତ କରିଦେଇଥିଲା।ନିଜ ଅତିଥି ଆସନରୁ ହଠାତ ଉଠିପଡ଼ି ପିଲାଙ୍କ ସହ ନୄତ୍ୟ କରିବାକୁ ଲାଗିଥିଲେ ବିଦ୍ୟାଳୟ କମିଟି ଅଧ୍ୟକ୍ଷା ରାଜଲକ୍ଷ୍ମୀ ମଲ୍ଲିକ।ଅଧ୍ୟକ୍ଷାଙ୍କ ଏଭଳି ପିଲାଙ୍କ ସହ ମିଶିବା ଦେଖି ସ୍ଥାନୀୟ ବାସିନ୍ଦା, ଅଭିଭାବକ ଓ ସରପଞ୍ଚ ପ୍ରଶଂସା କରିଥିଲେ।
ଶିଶୁ ଦିବସରେ ପିଲାଙ୍କ ସହ ନାଚିଲେ ବିଦ୍ୟାଳୟ ସଭାନେତ୍ରୀ
