ନୟାଗଡ଼, (ନୟାଗଡ଼ ଦର୍ପଣ): ଜିଲ୍ଲା ଓ ଦୌରା ଜଜ ତଥା ଜିଲ୍ଲା ଆଇନ ସେବା ପ୍ରାଧିକରଣ ଅଧ୍ୟକ୍ଷ ଶ୍ରୀ ଆନନ୍ଦ ନାରାୟଣ ମହାରଣାଙ୍କ ଅନୁମତି କ୍ରମେ, ନୟାଗଡ ବ୍ଲକ ପରିସରରେ ମହିଳା କର୍ମଚାରୀମାନଙ୍କ କର୍ମକ୍ଷେତ୍ରରେ ସୁରକ୍ଷାଜନିତ କର୍ମଶାଳା ଅନୁଷ୍ଠିତ ହୋଇଅଛି । ବନ୍ଦେ ଉତ୍କଳ ଜନନୀ ଗାନପରେ, ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ପଦ୍ମ ଚରଣ ସାହୁ, ସ୍ଵାଗତ ଏବଂ ଅତିଥି ପରିଚୟ ପ୍ରଦାନ କରିଥିଲେ । ବରିଷ୍ଠ ବର୍ଗ ର ବିଚାରପତି ତଥା ସଚିବ, ଜିଲ୍ଲା ଆଇନ ସେବା ପ୍ରାଧିକରଣ ଶ୍ରୀ ବିଶେଷ କୁମାର ସାହୁ, ପୋଶ ନିୟମ ର ଆବଶ୍ୟକତା ଏବଂ କାର୍ଯ୍ୟକାରିତା ଦର୍ଶାଇଥିଲେ । ସିଭିଲ ଜଜ ଶ୍ରୀଯୁକ୍ତ ରାକେଶ କୁମାର ସାହୁ, କର୍ମ କ୍ଷେତ୍ରରେ ମହିଳା ସୁରକ୍ଷାର ଆଇନଗତ ଦିଗ ତର୍ଜମା କରିଥିଲେ । ପ୍ରାଧିକରଣ ପଞ୍ଜୀକୃତ ଅଧିବକ୍ତା ଶ୍ରୀ ଚନ୍ଦ୍ର ବିଜୟୀ ମିଶ୍ର ଏହାର ସାମ୍ବିଧାନିକ ଦିଗ ପ୍ରଶ୍ନ ଉତ୍ତର ମାଧ୍ୟମରେ ଦର୍ଶାଇଥିଲେ । ସଦସ୍ୟ ଶ୍ରୀ ମହମ୍ମଦ ଓମର ମ।ଲ୍ଲିକ, ସୁସ୍ଥ ପରିବାର, କର୍ମକ୍ଷେତ୍ର ଏବଂ ସୁସ୍ଥ ସମାଜର ଗଠନରେ କର୍ତ୍ତବ୍ୟ ଏବଂ ଦାଇତ୍ଵବୋଧ ବ୍ୟାଖ୍ୟା କରିଥିଲେ । ଗୋଷ୍ଠୀ ଉନ୍ନୟନ ଅଧିକାରୀଙ୍କ ସ୍ଵରଚିତ କବିତା ଚିତ୍ତ।ର୍ଷକ ଥିଲା । ପ୍ରଶ୍ନୋତ୍ତର ମାଧ୍ୟମରେ ବିଜେତାମାନଙ୍କୁ ପୁରସ୍କୃତ କରଯାଇଥିଲା । ଏକ ଶହ ପ୍ରାୟ କର୍ମଚାରୀ ଉପସ୍ଥିତରହି, ସଚେତନତାର ଆବଶ୍ୟକତା ଉପଲବ୍ଧି କରିଥିଲେ । ଅନ୍ୟମାନଙ୍କ ସହିତ ଗୋଷ୍ଠୀ ଉନ୍ନୟନ ଅଧିବକ୍ତା ଶ୍ରୀ ମନୋଜ କୁମାର ନାୟକ, ଶ୍ରୀମତୀ ଦିପ୍ତିମୟୀ ପଟ୍ଟନାୟକ, ପ୍ରାଧିକରଣର କର୍ମଚାରୀ ଶ୍ରୀ ପବନ କୁମାର ବେହେରା, କୁମାର ପ୍ରଧାନ ଏବଂ ରାଜେଶ କୁମାର ବାରିକ କାର୍ଯ୍ୟକ୍ରମକୁ ସୁପରିଚାଳନା କରିଥିଲେ । ଯନ୍ତ୍ରି ଶ୍ରୀ ଶରତ କୁମାର ମଲ୍ଲିକ ଧନ୍ୟବାଦ ପର୍ବ ତୁଲାଇ ଥିଲେ ।
