ନୂଆଗାଁ,(ନୟାଗଡ଼ ଦର୍ପଣ): ନୂଆଗାଁ ବ୍ଲକର ବିଜୁ ଜନତା ଦଳର ଜଣେ ଦକ୍ଷ ସଂଗଠକ ତଥା କନ୍ଧମାଳ ସାଂସଦଙ୍କ ପ୍ରତିନିଧି ଏବଂ ନୂଆଗାଁ ଉଚ୍ଚ ବିଦ୍ୟାଳୟର ଶିକ୍ଷା ପରିଚାଳନା କମିଟିର ସଭାପତି ବିଜୟ କୁମାର ଶାସମଲଙ୍କ ଦେହ ଅସୁସ୍ଥ ଥିବାରୁ ଗତ ଚାରିଦିନ ଧରି ଭୁବନେଶ୍ଵର ଆପୋଲ ହସ୍ପିଟାଲ ଠାରେ ଚିକିତ୍ସିତ ହେଉଥିବା ବେଳେ ରାତ୍ର ୮ଘଟିକା ସମୟରେ ପରଲୋକ ହୋଇଛି। ତାଙ୍କୁ ୪୮ ବର୍ଷ ହୋଇଥିଲା । ତାଙ୍କ ରାଜନୈତିକ ଜୀବନରେ ଦୁଇ ଦୁଇ ଥର ବ୍ଲକ ଅଧ୍ୟକ୍ଷ , ବ୍ଲକ ଉପାଧ୍ୟକ୍ଷ, ବ୍ଲକ ବିଜେଡ଼ି ସଭାପତି ଭାବେ ନିଜକୁ ପ୍ରତିଷ୍ଠିତ କରିପାରିଥିଲେ। ସ୍ବର୍ଗତ ଶାସମଲ , ପ୍ରମେୟ ର ନୂଆଗାଁ ବ୍ଲକ ସାମ୍ୱାଦିକ ହୃଦୟାନନ୍ଦ ଶାସମଲ ଙ୍କ ବଡ଼ଭାଇ । ସେ ଜଣେ ମେଳାପି, ପରୋଉପକାରି, କର୍ତ୍ତବ୍ୟନିଷ୍ଟ ବ୍ୟକ୍ତି ଥିଲେ। ତାଙ୍କ ଶବାଧାରକୁ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା, ପୁଅ, ଭାଇ, ପରିବାର ସହିତ ବିଭିନ୍ନ ଅଞ୍ଚଳରୁ ଶହ ଶହ ଲୋକ ଉପସ୍ଥିତ ରହି ତାଙ୍କ ମରଶରୀରକୁ ଏକ ଶୋଭାଯାତ୍ରାରେ ଗ୍ରାମ ପରିକ୍ରମା କରାଯାଇ ଶ୍ମଶାନକୁ ନିଆଯାଇଥିଲା। ସେଠାରେ ପୁତ୍ର ନବୀନ ଗୌରବ ଶାସମଲ ମୁଖାଗ୍ନି ଦେଇଥିଲେ। ଖବର ପାଇ ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି ଶଙ୍କର୍ଷଣ ବେହେରା, ଦଶପଲ୍ଲା ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି ଉପେନ୍ଦ୍ର କୁମାର ସାହୁ, ଗଣିଆ ଅଧ୍ୟକ୍ଷା ଝୁନା ଜେନା, ଜିଲ୍ଲା ବିଜେଡ଼ି ଉପସଭାପତି ଦିଲ୍ଲୀପ କୁମାର ଦଳବେହେରା, ବ୍ଲକ ବିଜେଡ଼ି ସଭାପତି ସନାତନ ସାମଲ, ଯୁବ ଜିଲ୍ଲା ଉପସଭାପତି ଗୋଲଖ ବିହାରୀ ଗୋଚ୍ଛାୟତ, ଛାତ୍ର ବିଜେଡ଼ି ସଭାପତି ସୁବ୍ରତ ପରିଡ଼ା, ଦେବରାଜ ଖଣ୍ଡୁଆଳ, ମାଇଛେଳି ସରପଞ୍ଚଙ୍କ ପ୍ରତିନିଧି ଦାଶରଥି ପ୍ରଧାନ, ଜାକେଡା ସରପଞ୍ଚଙ୍କ ପ୍ରତିନିଧି ବୁଲୁ ମଳିକ ଏବଂ ୨୨ଟି ପଞ୍ଚାୟତର ସମସ୍ତ ଜନପ୍ରତିନିଧି ପ୍ରମୁଖ ଉପସ୍ଥିତ ହୋଇ ସ୍ବର୍ଗତ ଶାସମଲଙ୍କ ଆତ୍ମାର ସଦଗତି କାମନା କରିବା ସହ ଶୋକସନ୍ତପ୍ତ ପରିବାରକୁ ସମବେଦନା ଜଣାଇଥିଲେ। ତତ୍ ସହିତ ନୂଆଗାଁ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଓ ସମସ୍ତ ଛାତ୍ର ଛାତ୍ରୀ ସମେତ ଶିକ୍ଷକମାନେ ବିଦ୍ୟାଳୟରେ ନୀରବ ପ୍ରାର୍ଥନା କରିଥିଲେ।
ପୂର୍ବତନ ବ୍ଲକ ଅଧ୍ୟକ୍ଷ ତଥା କନ୍ଧମାଳ ସାଂସଦଙ୍କ ପ୍ରତିନିଧିଙ୍କ ପରଲୋକ
