ନୟାଗଡ଼,(ନୟାଗଡ଼ ଦର୍ପଣ): ନୟାଗଡ ସ୍ଥିତ ସୋହମ ସ୍ଵେଚ୍ଛାସେବୀ ଅନୁଷ୍ଠାନ ତରଫରୁ ଏକ ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ନୟାଗଡର ବିଶିଷ୍ଟ ସମାଜସେବୀ ଦାମ ସାର, ଅନୁଷ୍ଠାନର ସଭାନେତ୍ରୀ ଡ. କବିତା ମିଶ୍ର, ନୟାଗଡ଼ ମୁନିସପାଲିଟର ୦୩ ନଂ ୱାର୍ଡର କାଉନସିଲର ସ୍ୱୟଂପ୍ରଭା ମିଶ୍ର ଓ ଡାକ୍ତର ଜର୍ଜ ଦେବବ୍ରତ ପ୍ରଦୀପ ପ୍ରଜ୍ବଳନ କରି ଶିବିରକୁ ଉଦଘାଟନ କରିଥିଲେ। ଶିବିରରେ କୋଭିଡ ନିୟମ ପାଳନ କରାଯାଇ ୨୧ୟୁନିଟ୍ ରକ୍ତ ସଂଗ୍ରହ କରାଯାଇଥିଲା । ଉକ୍ତ କାର୍ଯ୍ୟକ୍ରମକୁ ସୋହମ ଅନୁଷ୍ଠାନର ସମ୍ପାଦକ କାମାକ୍ଷା ପ୍ରସାଦ ଦାଶ ପରିଚାଳନା କରିଥିଲେ । ଏଥିରେ ସମାଜସେବୀ ରୁଦ୍ର ପ୍ରସନ୍ନ ରଥ, ଅନୁଷ୍ଠାନର ଉପସଭାପତି ତଥା ପରିବେଶବିତ୍ ଅନାଦି ଚରଣ ମହାନ୍ତି, ବରିଷ୍ଟ ସଦସ୍ୟ ପ୍ରଫୁଲ୍ଲ କୁମାର ନାୟକ, ରଘୁନାଥ ଦାଶ, ଲଳିତ ମିଶ୍ର, ସୀତାରାମ ତ୍ରିପାଠୀ, ବିବୃ ବାହନ ରଥ, ରବୀନ୍ଦ୍ର ନାୟକ, ଚରଣ ଗୁରୁ, ନିର୍ମଳ ସାହୁ, ରଶ୍ମିତା ମିଶ୍ର, ମମତା ମିଶ୍ର, ସରସ୍ଵତୀ ଗୁରୁ ସମେତ ନୟାଗଡ ରକ୍ତଭଣ୍ଡାରର ଅଜୟ ପଟ୍ଟନାୟକ, ରବୀନ୍ଦ୍ର ସାହୁ ପ୍ରମୁଖ ଯୋଗଦେଇ କାର୍ଯ୍ୟକ୍ରମକୁ ସଫଳ କରାଇଥିଲେ।
ସୋହମ ସ୍ଵେଚ୍ଛାସେବୀ ଅନୁଷ୍ଠାନ ତରଫରୁ ଏକ ସ୍ଵେଚ୍ଛାକୃତ ରକ୍ତଦାନ ଶିବିର
