ନୟାଗଡ଼,(ନୟାଗଡ଼ ଦର୍ପଣ): ସାମ୍ବାଦିକ କିଶୋର ମହାପାତ୍ରଙ୍କ ଉଦ୍ଦେଶ୍ଯରେ ନୟାଗଡ ସାମ୍ବାଦିକ ଭବନରେ ଶ୍ରଦ୍ଧାଞ୍ଜଳି ସଭା ଆୟୋଜିତ ହୋଇଯାଇଛି । ସଭା ପ୍ରାରମ୍ଭରେ ଅମର ଆତ୍ମାର ସଦଗତି ଉଦ୍ଦେଶ୍ଯରେ ଦୁଇମିନିଟ୍ ନିରବ ପ୍ରାର୍ଥନା କରାଯାଇଥିଲା। ଭବନର ସଭାପତି ବୈଦ୍ଯଭୂଷଣ ମହାପାତ୍ରଙ୍କ ସଭାପତିତ୍ବରେ ଆୟୋଜିତ ସଭାରେ ବରିଷ୍ଠ ସାମ୍ବାଦିକ ପ୍ରମୋଦ ପଟ୍ଟନାୟକ, ନିଶିକାନ୍ତ ରଥ, ରାମକୃଷ୍ଣ ରଥ, ରଜତ ପଟ୍ଟନାୟକ, ଲୋକନାଥ ମିଶ୍ର, ପ୍ରଶାନ୍ତ ଜେନା, ଅନୱର ଅଲ୍ଲି, ଚନ୍ଦ୍ର ବିଜୟୀ ମିଶ୍ର, ପ୍ରଭାତ ମହାପାତ୍ର, ନବକିଶୋର ମିଶ୍ର, ଯଯାତି କେଶରୀ ମହାପାତ୍ର, ବିଭୁତି ଭୂଷଣ ସ୍ୱାଇଁ, ବିଶ୍ୱଜିତ ନାୟକ, ନିହାର ପଟ୍ଟନାୟକ, ବିଶ୍ୱନାଥ ନାୟକ, ଜୟନ୍ତ ମିଶ୍ର, ମାନସ କୁମାର, ଜିତୁନ ମହାପାତ୍ର ପ୍ରମୁଖ ଯୋଗଦେଇ କିଶୋରଙ୍କ ସ୍ମୃତିଚାରଣ କରିଥିଲେ । କିଶୋରଙ୍କ ପରିବାରକୁ ସରକାରଙ୍କ ପକ୍ଷରୁ ସାମ୍ବାଦିକଙ୍କ ପାଇଁ ରହିଥିବା ସମସ୍ତ ଆର୍ଥିକ ସାହାଯ୍ଯ ଯୋଗାଇଦେବାପାଇଁ ଜିଲ୍ଲା ପ୍ରଶାସନକୁ ସାମ୍ବାଦିକ ସଂଘ ପକ୍ଷରୁ ଅନୁରୋଧ କରାଯିବାକୁ ନିଷ୍ପତ୍ତି ହୋଇଥିଲା। ତତ୍ ସହିତ କିଶୋରଙ୍କ ପରିବାରଙ୍କୁ କିଛି ଆର୍ଥିକ ସାହାଯ୍ଯ କରିବାପାଇଁ ଆଜିର ସଭାରେ ନିଷ୍ପତ୍ତି ହୋଇଛି । ତେଣୁ ନିଜର ସାଧ୍ୟମତେ ସାହାଯ୍ୟ କରିବାକୁ ଭବନ ପକ୍ଷରୁ ସମସ୍ତ ସାମ୍ବାଦିକମାନଙ୍କୁ ଅନୁରୋଧ କରାଯାଇଛି। କିଶୋର ମହାପାତ୍ରଙ୍କୁ ସାହାଯ୍ୟ କରିବାକୁ ଭବନର ସଦସ୍ଯ ବିଶ୍ବଜିତ ନାୟକଙ୍କ ଫୋନ ପେ ନମ୍ବର 9776400844 ରେ ଅର୍ଥ ପଠାଇ ପାରିବେ କିମ୍ବା ବ୍ୟକ୍ତିଗତ ଭାବରେ ସଙ୍ଘ ସଭାପତି ବୈଦ୍ୟଭୁଷଣ ମହାପାତ୍ରଙ୍କୁ ନଗଦ ଅର୍ଥରାଶି ପ୍ରଦାନ କରିବାକୁ ଅନୁରୋଧ କରାଯାଇଛି। ଆସନ୍ତା ସୋମବାର ସନ୍ଧ୍ଯା ସୁଦ୍ଧା ସାହାଯ୍ଯ କରିବାକୁ ଅନୁରୋଧ କରିଛନ୍ତି ସଭାପତି ଶ୍ରୀଯୁକ୍ତ ମହାପାତ୍ର।
