ନୟାଗଡ଼,(ନୟାଗଡ଼ ଦର୍ପଣ): ନୟାଗଡ଼ ରୋଟାରୀ ଭବନରେ ବିଶ୍ବ ସାକ୍ଷରତା ଦିବସ ପାଳିତ ହୋଇ )ଯାଇଛି। ରୋଟାରୀ କ୍ଲବର ସଭାପତି ପ୍ରବୀର କୁମାର ପ୍ରୁଷ୍ଟିଙ୍କ ଅଧ୍ଯକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ଯଅତିଥି ଭାବେ ନୟାଗଡ଼ ଜିଲ୍ଲାପାଳ ଡକ୍ଟର ପୋମା ଟୁଡୁ ଯୋଗଦେଇ ଥିବାବେଳେ ମୁଖ୍ଯବକ୍ତା ଭାବେ କ୍ଲବର ଲିଟେର୍ସି ଚେୟାରମ୍ୟାନ ବସିରନ ବିବି ଯୋଗଦେଇ ଶିକ୍ଷକମାନେ ସମାଜର ମାଇଲ୍ ଖୁଣ୍ଟ ତଥା ସମାଜ ପରିବର୍ତ୍ତନର ଶ୍ରେଷ୍ଠ ବିନ୍ଧାଣି ବୋଲି କହିଥିଲେ। ଏହି ଅବସରରେ ପାଞ୍ଚ ଜଣ ଶିକ୍ଷକ ଶିକ୍ଷୟିତ୍ରୀଙ୍କୁ ସମ୍ବର୍ଦ୍ଧିତ କରାଯାଇଥିଲା। ଶ୍ରୀରାମକୃଷ୍ଣ ଆଦର୍ଶ ଶିକ୍ଷାକେନ୍ଦ୍ର ନୟାଗଡ଼ର ବରିଷ୍ଠ ଇଂରାଜୀ ଶିକ୍ଷକ ରାମଚନ୍ଦ୍ର ମହାପାତ୍ର, ସରସ୍ୱତୀ ଶିଶୁବିଦ୍ଯାମନ୍ଦିରର ସେବାବ୍ରତୀ ଆଚାର୍ଯ୍ୟା ଶ୍ରାବଣୀ ନାଥ, ପଞ୍ଚାୟତ ଉଚ୍ଚ ବିଦ୍ଯାଳୟ ଘୋଳାହାଣ୍ଡିରେ କାର୍ଯ୍ଯରତ ଶିକ୍ଷକ ବାଲାରସେନ ପାତ୍ର, ସରକାରୀ ଜନଶକ୍ତି ଉଚ୍ଚ ବିଦ୍ଯାଳୟ ଦେଓଙ୍ଗାର ପ୍ରଧାନ ଶିକ୍ଷକ ସତ୍ଯ ନାରାୟଣ ଆଚାର୍ଯ୍ୟ, ସରକାରୀ ଉଚ୍ଚ ବିଦ୍ଯାଳୟ ସିନ୍ଦୁରିଆର ବିଜ୍ଞାନ ଶିକ୍ଷୟିତ୍ରୀ ମିତାଞ୍ଜଳୀ ସାହୁଙ୍କୁ ନେସନ ବିଲ୍ଡର ଆଓ୍ବାର୍ଡରେ ସମ୍ମାନିତ କରାଯାଇଥିଲା। ରୋଟାରୀଆନ୍ ଶ୍ରୀଧର ସାହୁ ସମ୍ବର୍ଦ୍ଧନା କାର୍ଯ୍ୟକ୍ରମକୁ ସଂଯୋଜନା କରିଥିଲା ବେଳେ ସଂପାଦକ ବାସୁଦେବ ସାହୁ ଧନ୍ଯବାଦ ଅର୍ପଣ କରିଥିଲେ।
