ନୟାଗଡ଼ ହାଉସିଂ ବୋର୍ଡ କଲୋନୀରେ ଟାଉନ ପୋଲିସ ଓ ସ୍ପେଶାଲ ଟାସ୍କଫୋର୍ସ ଚଢ଼ାଉ କରି ୮୨ଗ୍ରାମ ୪୬୦ମିଲିଗ୍ରାମ ବ୍ରାଉନ ସୁଗାର ଜବତ କରିବା ସହ ୫ଜଣ ବେପାରୀଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ମାନେହେଲେ ଖୋର୍ଦ୍ଧା ଜିଲ୍ଲାର ମୁନା ଦାସ, ନୟାଗଡ଼ ବ୍ଳକ ଭାଟସାହି ଗାଁର ବିଶ୍ଵ ଜେନା, ବୈକୁଣ୍ଠ ଦାସ, ସୁବର୍ଣ୍ଣଦେଇପୁର କାଳୁ ଓରଫ ସୁରେଶ ପ୍ରଧାନ, ମୁକ୍ତାପୁର ଗାଁର ପବିତ୍ର ରାଉତ। ମୁଖ୍ୟ ଅଭିଯୁକ୍ତ ମୁନାର ଘର ଖୋର୍ଦ୍ଧା ଜିଲ୍ଲା ହୋଇଥିବା ବେଳେ ସେ ବାଇକରେ ବ୍ରାଉନ ସୁଗାର ଆଣି ନୟାଗଡ଼ ସହରର ହାଉସିଂ ବୋର୍ଡ କଲୋନୀରେ ଦୀର୍ଘଦିନ ଧରି ବେପାର ଚଳାଇଥିଲା। ରେଡ଼ ବେଳେ ଅଭିଯୁକ୍ତମାନଙ୍କ ଠାରୁ ୩ଟି ବାଇକ, ୫ଶହ ୭୦ଟଙ୍କା ସହ ୮୨ଗ୍ରାମରୁ ଉର୍ଦ୍ଧ ବ୍ରାଉନ ସୁଗାର ଜବତ କରିଛି ପୋଲିସ। ସମସ୍ତ ୫ଅଭିଯୁକ୍ତଙ୍କର ଜିଲ୍ଲା ମୁଖ୍ୟ ଚିକିତ୍ସାଳୟରେ ସ୍ଵାସ୍ଥ୍ୟ ପରୀକ୍ଷା କରି କୋର୍ଟ ଚାଲାଣ କରାଯାଇଥିବା ସାମ୍ବାଦିକ ସମ୍ମିଳନୀରେ ଅତିରିକ୍ତ ଆରକ୍ଷୀ ଅଧିକ୍ଷକ ଉମାକାନ୍ତ ମଲ୍ଲିକ ସୂଚନା ଦେଇଛନ୍ତି।
ନୟାଗଡ଼ ଟାଉନ ପୋଲିସକୁ ସଫଳତା, ୮୨ଗ୍ରାମ ବ୍ରାଉନ ସୁଗାର ଜବତ, ୫ଗିରଫ
