ରଣପୁର, (ନୟାଗଡ଼ ଦର୍ପଣ): ରଣପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ଝାଡ଼ପଡା ଗୋଦାବରୀଶ ମିଶ୍ର ନୋଡାଲ ପ୍ରାଥମିକ ଆଦର୍ଶ ବିଦ୍ୟାଳୟ ପରିସରରେ ନିମ ଗଛ ରୋପଣ କଲେ ବାଚସ୍ପତି ସୁରମା ପାଢ଼ୀ। ଏହି ବୃକ୍ଷ ରୋପଣ କାର୍ଯ୍ୟକ୍ରମରେ ରଣପୁର ବନାଞ୍ଚଳ ଅଧିକାରୀ ସିଦ୍ଧୁ ସିଂହ , ନୟାଗଡ଼ ଜିଲ୍ଲା ବିଜେପି ଉପ ସଭାପତି ନିର୍ମଳ କୁମାର ମତ୍ତଗଜସିଂହ, ଝାଡ଼ପଡା ସରପଞ୍ଚ ସୌରୀବନ୍ଧୁ ସାହୁ, ତ୍ରିନାଥ ଉଦୟସିଂହ, ସଞ୍ଜୀବ କୁମାର ପରିଡ଼ା, ହରିବନ୍ଧୁ ଜଗଦ୍ଦେବ, ପ୍ରମୋଦ ରାଉତରାୟ, ମାଧବ ଚନ୍ଦ୍ର ରାଉତ,ଗଣେଶ୍ୱର ମାନ୍ଧାତା ଙ୍କ ସମେତ ରଣପୁର ବ୍ଲକ୍ ଶିକ୍ଷା ଅଧିକାରୀ,ସ୍ଥାନୀୟ ଶିକ୍ଷକ,ଶିକ୍ଷୟତ୍ରୀ, ବରିଷ୍ଠ ନାଗରିକ, ପ୍ରକୃତି ପ୍ରେମୀ ତଥା ଜନସାଧାରଣ ଉପସ୍ଥିତ ଥିଲେ । ସୁରମା ପାଢ଼ୀଙ୍କ ଉପସ୍ଥିତିରେ “ବୃକ୍ଷ ହିଁ ଜୀବନ”ର ନାରା ଦେବା ସହ ପରିବେଶ ସୁରକ୍ଷା ପାଇଁ ସଂକଳ୍ପ ନିଆଯାଇଥିଲା। ଏହି ନିମ୍ବ ଗଛ ଥିବା ସ୍ଥାନରେ ପ୍ରବାହିତ ହେଉଥିବା ପବନ ବିଦ୍ୟାର୍ଥୀମାନଙ୍କର ସ୍ମୃତି ଶକ୍ତି ବୃଦ୍ଧି କରିବା ସହ ଏହାର ପତ୍ର, ଚେର, ଛାଲି ଅନେକ ରୋଗର ନିରାକରଣ ପାଇଁ ବ୍ୟବହୃତ ହୋଇଥାଏ ବୋଲି ବାଚସ୍ପତି ସୁରମା ପାଢ଼ୀ ମତବ୍ୟକ୍ତ କରିଥିଲେ।
