ଦଶପଲ୍ଲା, (ନୟାଗଡ଼ ଦର୍ପଣ): ନୟାଗଡ ଜିଲ୍ଲା ଦଶପଲ୍ଲା ଥାନା ଟାକରା ନିକଟସ୍ଥ ଅସନିବେରେଣା ରାସ୍ତାରେ ଶନିବାର ଦିନ ହୋଇଥିବା ସଡ଼କ ଦୃଘଟଣାରେ ୩ଜଣ ପ୍ରାଣ ହରାଇଥିବା ବେଳେ ୨ଜଣ ଗୁରୁତର ଆହତଙ୍କୁ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା। ମୃତକ ୩ଜଣ ମଧ୍ୟରୁ ୨ମୃତକଙ୍କ ପରିଚୟ ମିଳିପାରିଥିବା ବେଳେ ୨୪ ଘଣ୍ଟା ବିତିଯାଇଥିଲେ ସୁଦ୍ଧା ତୃତୀୟ ଲୋକର ପରିଚୟ ମିଳିପାରିନଥିଲା। କିନ୍ତୁ ଆଜି ସନ୍ଧ୍ୟାରେ ଦଶପଲ୍ଲା କଳିଙ୍ଗଟିଭି ପ୍ରତିନିଧି ପ୍ରିୟବ୍ରତ ଆଚାର୍ଯ୍ୟ ତୃତୀୟ ଲୋକର ପରିଚୟ ପାଇ ଦଶପଲ୍ଲା ଥାନାକୁ ଅବଗତ କରାଇବା ସହ ବିଭିନ୍ନ ଅନୁଷ୍ଠାନ ମାଧ୍ୟମରେ ମୃତକଙ୍କ ପରିବାରକୁ ଏ ସମ୍ପର୍କରେ ଜଣାଇଥିଲେ।
ତୃତୀୟ ମୃତକ ଜଣକ ଦଶପଲ୍ଲା ବିଜ୍ଞାପିତ ଅଞ୍ଚଳ ପରିଷଦର ମୋଚିସାହି ଅଂଚଳର ଅଜୟ ମେହେର ବୋଲି ଜଣାପଡ଼ିଛି।ସୂଚନାଥାଉକି ଶନିବାର ସନ୍ଧ୍ୟାରେ ଟାକରା ଠାରେ ୨ଟି ଟ୍ରକ ମୁଁହାମୁଁହି ଧକ୍କା ହେବା ଫଳରେ ୩ଜଣକ ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ହୋଇଥିଲେ। ୩ଜଣ ମୃତକଙ୍କ ମଧ୍ୟରୁ ୨ଜଣ ମୃତକଙ୍କ ପରିଚୟ ମିଳି ସାରିଥିବା ବେଳେ ଜଣକ ପରିଚୟ ମିଳିପାରିନଥିଲା ଯାହାର ପରିଚୟ ମିଳିନଥିଲା ସେ ପିନ୍ଧିଥିବା ଗଞ୍ଜିଟିକୁ ମନେ ରଖିଥିଲେ ଯୁବ ସାମ୍ବାଦିକ ପ୍ରିୟବ୍ରତ ପରେ ରବିବାର ଦିନ ୨/୩ ଜଣ ଲୋକ ସମାନ ଗଞ୍ଜି ପିନ୍ଧି ଦୁର୍ଘଟଣା ସ୍ଥଳକୁ ଯାଇଥିବା ବେଳେ ତାହା ଦେଖିପାରି ପ୍ରିୟବ୍ରତ ତାଙ୍କୁ ପରିଚୟ ମିଳି ପାରୁନଥିବା ମୃତକଙ୍କ ଫଟୋ ଦେଖାଇଥିଲେ ସେମାନେ ମଧ୍ୟ ଜାଣିଥିବା କଥା କହିବା ପରେ ତାଙ୍କ ପଡୋଶୀଙ୍କ ମୋବାଇଲ ନମ୍ବର ଆଣି ପ୍ରିୟବ୍ରତ ତାଙ୍କୁ ଜଣାଇବା ସହ ଦଶପଲ୍ଲା ଥାନାରେ ମଧ୍ୟ ଜଣାଇଥିବା ଶୁଣିବାକୁ ମିଳିଥିଲା। ପରେ ମୃତକଙ୍କ ପରିବାର ଲୋକ ଦଶପଲ୍ଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ପହଂଚି ମୃତକଙ୍କୁ ଚି଼ହ୍ନଟ କରିଥିଲେ।
