ନୟାଗଡ଼,(ନୟାଗଡ଼ ଦର୍ପଣ): ପ୍ରଧାନମନ୍ତ୍ରୀଙ୍କ ଆହ୍ୱାନକ୍ରମେ ନୟାଗଡ଼ର ସିଭିଲ ସୋସାଇଟି ପକ୍ଷରୁ ୧୪ଜାନୁଆରୀ ଠାରୁ ୨୨ଜାନୁଆରୀ ୨୦୨୫ ପର୍ଯ୍ୟନ୍ତ ନୟାଗଡ଼ ସ୍ଥିତ ସମସ୍ତ ମନ୍ଦିର ଓ ଦେବାଳୟ ଗୁଡ଼ିକରେ ସ୍ଵଚ୍ଛ ଅଭିଯାନ ଚାଲିଛି। ଗତ କାଲି ତା ୧୪-୦୧-୨୦୨୫ ମକର ସଂକ୍ରାନ୍ତିରେ ଜଗନ୍ନାଥ ମନ୍ଦିରକୁ ସ୍ଵଚ୍ଛ କରାଯାଇଥିଲା ଏବଂ ଆଜି ସକାଳ ୮ ଟା ରୁ ୧୦ଟା ସମୟରେ ଖଣ୍ଡପଡ଼ା ରୋଡ଼ ସ୍ଥିତ ହନୁମାନ ମନ୍ଦିର ସ୍ଵଚ୍ଛ କରାଯାଇଛି। ଆଗକୁ ଅନ୍ୟ ମନ୍ଦିର ଗୁଡିକ ସଫା କରାଯିବ ବୋଲି ସୋସାଇଟି ପକ୍ଷରୁ କୁହାଯାଇଛି। ଏହି କାର୍ଯ୍ୟକ୍ରମରେ ସିଭିଲ ସୋସାଇଟି ନୟାଗଡ଼ର ଅଧ୍ୟକ୍ଷ ଗୋଦାବରୀଶ ସାହୁ, ଭଗବତୀଚରଣ ପଟ୍ଟନାୟକ, ଭେଟେରାନ ଶରତ କୁମାର ସାହୁଙ୍କ ନିର୍ଦ୍ଦେଶନାରେ ଏହି କାର୍ଯ୍ୟକ୍ରମଟି ବହୁତ ଭଲରେ ଚାଲିଛି। ଏହି କାର୍ଯ୍ୟକ୍ରମରେ ଅନ୍ୟ ସଦସ୍ୟ ବସନ୍ତ ରାଉତ, ବିପିନି କୁମାର ସାହୁ, ନବକୃଷ୍ଣ ସାହୁ, ଅଜୟ କୁମାର ସାହୁ, ନିରଂଜନ ମିଶ୍ର, ସନ୍ତୋଷ ଶର୍ମା, ଦିଲ୍ଲୀପ ଦଳବେହେରା ଏବଂ ଅନେକ ସ୍ବେଛାସେବୀମାନେ ଏହି କାର୍ଯ୍ୟକ୍ରମରେ ଯୋଗଦାନ କରିଥିଲେ ।
