ନୂଆଗାଁ, (ନୟାଗଡ଼ ଦର୍ପଣ): ନୂଆଗାଁ ବ୍ଲକ୍ ସଦରମହକୁମାରେ ଥିବା ନୂଆଗାଁ ଗ୍ରାମ ପଞ୍ଚାୟତରେ ସ୍ଵଚ୍ଛତା ଶପଥ ପାଠ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ନୂଆଗାଁ ଗ୍ରାମପଞ୍ଚାୟତ ସରପଞ୍ଚ ଅମିତା ପରିଡ଼ା, ପୂର୍ବତନ ସମିତି ସଭ୍ୟ ରମେଶ ଚନ୍ଦ୍ର ପ୍ରଧାନ, ଅବସର ପ୍ରାପ୍ତ ଶିକ୍ଷକ ଦେବରାଜ ଖଣ୍ଡୁଆଳ, ବରିଷ୍ଠ ବ୍ୟକ୍ତି ଭିକାରୀ ସାସମଲ୍, ମାମାନି ପ୍ରଧାନ, ସମାଜ ସେବୀ ରାଜ କିଶୋର ପ୍ରଧାନ, ପ୍ରଭାତ କୁମାର ପ୍ରଧାନଙ୍କ ସମେତ ଅଞ୍ଚଳର ବରିଷ୍ଠ ବ୍ୟକ୍ତି, ମହିଳା ଯୋଗଦେଇ ନିଜ ଘରକୁ ସଫା ରଖିବା ସହ ଚାରିପାଖ ସଫା ସୁତୁରା ରଖିବି, ପ୍ଲାଷ୍ଟିକ ଓ ପଲ୍ ଥିନର ବ୍ୟବହାର କମ କରିବା ପାଇଁ ସଚେତନ କରାଇବି, ପାଇବା ପାଣି ଓ ଖାଦ୍ୟକୁ ଘୋଡାଇ ରଖିବି, ନିଜକୁ ସୁରକ୍ଷିତ ରଖିବା ପାଇଁ ସରକାରଙ୍କ ସମସ୍ତ ନିର୍ଦ୍ଦେଶାବଳି ପାଳନ କରିବି ଆଦି ଶପଥ ପାଠ କରିଥିଲେ। ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ପଞ୍ଚାୟତ ରେ କାର୍ଯ୍ୟରତ ସରକାରୀ କର୍ମଚାରୀ ଅଜୟ କୁମାର ପୁଷ୍ଟି।
