ନୟାଗଡ଼, (ନୟାଗଡ଼ ଦର୍ପଣ): ଷାଠିଏ ବର୍ଷ ନିର୍ଦ୍ଧାରିତ ବୟସ ସୀମା ଛୁଇଁଲା ପରେ ରାଜ୍ୟର ସରକାରୀ କର୍ମଚାରୀ ଚାକିରିରୁ ଅବସର ନିଅନ୍ତି
। ଉକ୍ତ ନୀତି ନିୟମ ଆଧାରରେ ଆଞ୍ଚଳିକ ସାଧନ କେନ୍ଦ୍ର ସିନ୍ଦୁରିଆ ଅଧୀନରେ ଥିବା ଜାମୁସାହି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ଜନାନା ମକ୍ତବ ସରକାରୀ ପ୍ରାଥମିକ ବିଦ୍ୟାଳୟ, ବେବର୍ତ୍ତାପଲ୍ଲୀ ସରକାରୀ ପ୍ରାଥମିକ ବିଦ୍ୟାଳୟ ଓ ନୂଆଘଡୁଆଳ ସରକାରୀ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ବୀଣାପାଣି ଦେଇ, ମେନକା ସୁନ୍ଦରୀ ଦେଇ, ଜୟନ୍ତୀ ପଣ୍ଡା ଓ ଉର୍ବଶୀ ବାରିକ ପ୍ରମୁଖ ଜୁନ୍ ତିରିଶି ତାରିଖରେ ଅବସର ନେଇଛନ୍ତି
। ଅବସର ପ୍ରାପ୍ତ ଶିକ୍ଷୟିତ୍ରୀ ମାନଙ୍କ ପାଇଁ ସିନ୍ଦୁରିଆ ସରକାରୀ ଉଚ୍ଚ ବିଦ୍ୟାଳୟ ସଭାଗୃହରେ ବରିଷ୍ଠ ଶିକ୍ଷକ ପ୍ରସନ୍ନ ବାରିକ ସଭାପତିତ୍ବରେ କ୍ଲଷ୍ଟର ସ୍ତରୀୟ ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା
।
![](file:///data/user/0/org.wordpress.android/cache/img-20240705-wa0008256146976032443139.jpg)
ଆଜିର ସଭାରେ ଅପ
ସାରିତ ପୂର୍ବତନ ସାଧନ କେନ୍ଦ୍ର ସଂଯୋଜକ ମୃତ୍ୟୁଞ୍ଜୟ ଷଡ଼ଙ୍ଗୀଙ୍କୁ ସମ୍ବର୍ଦ୍ଧିତ କରାଯାଇଥିବା ବେଳେ ନୂତନ ସାଧନ କେନ୍ଦ୍ର ସଂଯୋଜକ ସଞ୍ଜୀବ ମଲ୍ଲଙ୍କୁ ସ୍ବାଗତ କରାଯାଇଥିଲା
। ସଭା ପ୍ରାରମ୍ଭରେ ବରିଷ୍ଠ ଶିକ୍ଷକ ଶେଖ୍ ଅବଦୁଲ୍ ଖାଲିକ୍ ସ୍ବାଗତ ଭାଷଣ ଦେଇଥିବା ବେଳେ ସଭା ଶେଷରେ ସିନ୍ଦୁରିଆ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଝୁମୁରୀ ସାହୁ ଧନ୍ୟବାଦ୍ ଦେଇଥିଲେ
। ସମସ୍ତ ଅବସରପ୍ରାପ୍ତ ଶିକ୍ଷୟିତ୍ରୀଙ୍କୁ ଉତ୍ତରୀୟ ଓ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା
। ଆଜିର ସମାରୋହରେ ବ୍ଲକ୍ ଶିକ୍ଷାଧିକାରୀ ନିମାଇଁ ଚରଣ ପ୍ରଧାନ ମୁଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ପୂର୍ବତନ ପ୍ରଧାନଶିକ୍ଷକ ଗୋଦାବରୀଶ ମିଶ୍ର ଓ ସୁଦର୍ଶନ ପ୍ରଧାନ୍ ଅତିଥି ଭାବରେ ଯୋଗଦେଇ ସଭିଙ୍କ ଗୁଣଗାନ କରିଥିଲେ
। ଆଜିର କାର୍ଯ୍ୟକ୍ରମକୁ ଯଥାକ୍ରମେ ପ୍ରକାଶ ମହାପାତ୍ର, ସଲିମ୍ ଇ
ବ୍ରାହିମ୍, ପ୍ରଫୁଲ୍ଲ ପାତ୍ର, ଜିତେନ୍ଦ୍ର ଗୁରୁ ଓ ତାଜୁଦ୍ଦିନ୍ ଖାଁ ପ୍ରମୁଖ ସହଯୋଗ କରିଥିଲେ
।