ଦଶପଲ୍ଲା, (ନୟାଗଡ଼ ଦର୍ପଣ): ରୋକି ହେଉନି ଗୋରୁ ଚୋରା ଚାଲାଣ। ଦଲାଲଙ୍କ ଦ୍ୱାରା ଦିନକୁ ଦିନ ବୃଦ୍ଧି ପାଇବାରେ ଲାଗିଛି ଗୋରୁ ଚାଲାଣ। ଆଜି ଦଶପଲ୍ଲା- ଗଣିଆ ରାଜ୍ୟ ରାଜପଥର ଯୋଗୀବନ୍ଧ ଛକ ନିକଟରେ ଭୋର୍ ୪ଟା ସମୟରେ ଏକ ବେଆଇନ ଗୋରୁ ବୋଝେଇ ପିକଅପ୍ ଭ୍ୟାନ ଭାରସାମ୍ୟ ହରାଇ ଦୁର୍ଘଟଣା ଘଟିଛି। ଦଶପଲ୍ଲାରୁ ଗଣିଆ ଅଭିମୁଖେ ଯାଉଥିବା (ଓ ଡି ୦୫ ବିଜେ ଘ୦୮୩୦) ପିକଅପ୍ ରାସ୍ତା କଡ଼ରେ ଥିବା ସେତୁ ୱାଲରେ ଧକ୍କା ଦେଇ ରାସ୍ତା ତଳକୁ ଖସି ପଡ଼ିଥିଲା। ଦୁର୍ଘଟଣା ପରେ ଘଟଣାସ୍ଥଳରୁ ଡ୍ରାଇଭର୍ ଓ ବ୍ୟବସାୟୀ ଖସି ପଳାଇଛନ୍ତି।ପିକଅପ୍ ଭ୍ୟାନ ଭିତରେ ପ୍ରାୟ ୩୦ଟି ଗୋରୁ ଥିବାବେଳେ ସେଥିମଧ୍ୟରୁ ଘଟଣାସ୍ଥଳରେ ୪ଟି ଗୋରୁଙ୍କ ମୃତ୍ୟୁ ହୋଇଛି। ଟି ଗୋରୁ ଗୁରୁତର ଅବସ୍ଥାରେ ପଡ଼ି ରହିଛନ୍ତି। ଯାହାକି ମୃତ୍ୟୁ ସଂଖ୍ୟା ବଢିବା ଆଶଙ୍କା କରାଯାଉଛି। ଅନେକ ଗୋରୁ ପଳାଇ ଯାଇଛନ୍ତି। ସ୍ଥାନୀୟ କିଛି ଯୁବକ ଶବ୍ଦ ଶୁଣି ସମସ୍ତ ଗାଈମାନଙ୍କୁ ଉଦ୍ଧାର କରିବା ସହ ଦଶପଲ୍ଲା ଦମକଳ ବାହିନୀ ଏବଂ ପୁଲିସକୁ ଖବର ଦେଇଥିଲେ। ପରେ ପୁଲିସ ଏବଂ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କରିବା ସହ ପ୍ରାଣୀ ଚିକିତ୍ସକଙ୍କୁ ଡକାଇ ଚିକିତ୍ସା ଚଳାଇଛି।
Related posts
-
ଟ୍ରେନ ଦୁର୍ଘଟଣାରେ ଯୁବକଙ୍କ ମୃତ୍ୟୁ
ଦଶପଲ୍ଲା,(ନୟାଗଡ଼ ଦର୍ପଣ): ଆଜି ସକାଳୁ ସକାଳୁ ଏକ ଅଭାବନୀୟ ଘଟଣା ନୟାଗଡ଼ ଜିଲ୍ଲା ଦଶପଲ୍ଲା ଅଞ୍ଚଳରେ ଦେଖିବାକୁ ମିଳିଛି। ସକାଳ ୬ଟା... -
ଜଗବନ୍ଧୁଙ୍କୁ ଶୁଭେଚ୍ଛା ଜଣାଇଲେ ଦଶପଲ୍ଲା ବିଧାୟକ
ନୂଆଗାଁ,(ନୟାଗଡ଼ ଦର୍ପଣ): ୬୮ତମ ରାଜ୍ୟସ୍ତରୀୟ ବିଦ୍ୟାଳୟ ସମୂହ ଯୋଗ ଓ ସନ୍ତରଣ ପ୍ରତିଯୋଗିତା ସମ୍ବଲପୁରର ଲେଡି ଲୁଇସ୍ ସରକାରୀ ଉଚ୍ଚ ବିଦ୍ୟାଳୟରେ... -
ରାଷ୍ଟ୍ରପତି ପୁରସ୍କାର ପ୍ରାପ୍ତ ଜେଲ ଅଧିକାରୀଙ୍କ ପରଲୋକ, ବିଭିନ୍ନ ମହଲରେ ଗଭୀର ଶୋକ
ଦଶପଲ୍ଲା, (ନୟାଗଡ଼ ଦର୍ପଣ): ମହାମହିମ ରାଷ୍ଟ୍ରପତିଙ୍କ ଦ୍ୱାରା ପୁରସ୍କାର ପ୍ରାପ୍ତ ଜେଲ ବିଭାଗ ଅବସର ପ୍ରାପ୍ତ ଡ଼ିଆଇଜି ଗୋଲକ ବିହାରୀ ମହାନ୍ତିଙ୍କ...