ଆସନ୍ତା ୨୪ ତାରିଖ ବୁଧବାର ଦିନ ଅନୁଷ୍ଠିତ ହେବ ନୂଆଗାଁ ବ୍ଲକ୍ ଆଞ୍ଚଳିକ ସାମ୍ବାଦିକ ସଂଘର ବାର୍ଷିକ ସମ୍ମିଳନୀ
ନୂଆଗାଁ,(ନୟାଗଡ଼ ଦର୍ପଣ): ନୂଆଗାଁ ବ୍ଲକ ସଦର ମହକୁମାରେ ଆଞ୍ଚଳିକ ସାମ୍ବାଦିକ ସଂଘ ତାର ପ୍ରଥମ ବାର୍ଷିକ ଉତ୍ସବ ପାଳନ କରିବା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ସଂଘର ସଭାପତି ସିବଦତ ପାତ୍ରଙ୍କ ତତ୍ତ୍ଵାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ନୂଆଗାଁ ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି ଶଙ୍କର୍ଷଣ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ବାର୍ଷିକ ଉତ୍ସବ କିପରି ସରସ ସୁନ୍ଦର କରିବା ସହ ସାମ୍ବାଦିକ ଗୃହର ଭିତ୍ତି ପ୍ରସ୍ତର ସ୍ଥାପନ କରାଯିବ ସେ ଉପରେ ସଂଘର ସଦସ୍ୟମାନଙ୍କ ସହ ଆଲୋଚନା କରିଥିଲେ। ସଂଘର କର୍ମକର୍ତ୍ତାଙ୍କ ନିଷ୍ପତି ଅନୁଯାୟୀ ଚଳିତ ମାସ ଆସନ୍ତା ୨୪ତାରିଖ ଦିନ ପ୍ରଥମ ବାର୍ଷିକ ସମ୍ମିଳନୀ ପାଳନ କରିବା ପାଇଁ ନିଷ୍ପତ୍ତି ନିଆଯାଇଛି । ଏହି ବୈଠକରେ ସୁବ୍ରତ ପରିଡ଼ା, ଶୁଖେନ୍ଦୁ ଦାଶ, ଦିଲ୍ଲୀପ କୁମାର ଜାନୀ, ଚିନ୍ମୟ ପ୍ରଧାନ, ମାନସ ରଞ୍ଜନ ତ୍ରିପାଠୀ, ମନୋଜ ସାହୁ, ଗୋଲଖ ଗୋଚ୍ଛାୟତ, ରଶ୍ମିରଞ୍ଜନ ପରିଡ଼ା, ପ୍ରଫୁଲ୍ଲ ସେଠୀ, ଦୀପକ ରାଉତ, ବିକ୍ରମ ନାୟକ, ସ୍ଵେଚ୍ଛାସବୀ ନିତୁନ ପରିଡ଼ା ପ୍ରମୁଖ ଉପସ୍ଥିତ ରହି ଚଳିତ ବର୍ଷ ନିଆରା ଢଙ୍ଗରେ ବାର୍ଷିକ ଉତ୍ସବ ପାଳନ କରାଯିବା ଉପରେ ଆଲୋଚନା କରିଥିଲେ।ସଂଘର ସମ୍ପାଦକ ହୃଦୟାନନ୍ଦ ସାସମଲ କାର୍ଯ୍ୟକ୍ରମକୁ ପରିଚାଳନା କରିଥିଲେ।
