ଭାପୁର: ଫତେଗଡ ଥାନା ଅନ୍ତର୍ଗତ ଭାପୁର ବ୍ଲକ ଗୋଳାପୋଖରୀ ପଞ୍ଚାୟତ ଗୋଳାପୋଖରୀ ଗ୍ରାମର ଜଣେ ବ୍ୟକ୍ତି ମେଡିକାଲକୁ ଆଖି ଦେଖାଇବାକୁ କହି ବସରେ ଯାଇ ନିଖୋଜ ଥିବାରୁ ପରିବାର ତରଫରୁ ଥାନାରେ ନିଖୋଜ ଥିବା ଲିଖିତ ଅଭିଯୋଗ ହୋଇଛି । ଗୋଳାପୋଖରୀ ଗାଁର କୁଳମଣି ବେହେରା (୫୩) ସୋମବାର ସକାଳୁ ଭୁବନେଶ୍ଵରର ଏକ ଘୋରୋଇ ମେଡିକାଲକୁ ଆଖି ଦେଖାଇବା ଲାଗି ଯାଇଥିଲେ। ସକାଳୁ ସକାଳୁ ସେହି ଗ୍ରାମ ଦେଇ ଯାଉଥିବା ନାରାୟଣୀ ନାମକ ଏକ ଯାତ୍ରୀବାହୀ ବସରେ ଚଢିଥିଲେ । ତା’ପରଦିନ ଅର୍ଥାତ ମଙ୍ଗଳବାର ଦିନ ନଫେରିବାରୁ ଘର ଲୋକ ଭୁବନେଶ୍ବର ଯାଇ ସେହି ମେଡିକାଲରେ ବୁଝାବୁଝି କରିବାରୁ ମେଡିକାଲ କତ୍ତୁର୍ପକ୍ଷ କୁଳମଣି ଆସି ନଥିବା କହିଥିଲେ। ବନ୍ଧୁବାନ୍ଧବଙ୍କ ଠାରୁ ଆରମ୍ଭ କରି ସମସ୍ତଙ୍କ ଫୋନ ମାଧ୍ୟମରେ ବୁଝିଥିଲେ ହେଲେ ତାଙ୍କର କୌଣସି ସନ୍ଧାନ ନପାଇବାରୁ ତାଙ୍କ ପୁତ୍ର ରାଜକିଶୋର ବେହେରା ଫତେଗଡ ଥାନାରେ ବାପା ନିଖୋଜ ଥିବାନେଇ ଲିଖିତ ଅଭିଯୋଗ କରିଛନ୍ତି । କୁଳମଣିଙ୍କର ଉଚ୍ଚତା ୫ଫୁଟ ୨ଇଞ୍ଚ ଓ କଳାବର୍ଣ୍ଣ ଅଟନ୍ତି। ତାଙ୍କ ମୁଣ୍ଡ ଚୁଟି କୁଞ୍ଚୁକୁଞ୍ଚିଆ ବୋଲି ତାଙ୍କ ପୁଅ କହିଛନ୍ତି। ଯେକୌଣସି ବ୍ୟକ୍ତି ତାଙ୍କର ସନ୍ଧାନ ପାଇଲେ। ଦୟାକରି ଏହି ଫୋନ ନମ୍ବର- ୬୩୭୦୦୫୩୪୯୦ରେ ଯୋଗାଯୋଗ କରିବାକୁ ଅନୁରୋଧ କରିଛନ୍ତି।
ମେଡିକାଲକୁ ଆଖି ଦେଖାଇବାକୁ ଆସି ନିଖୋଜ
