ନୟାଗଡ଼,(ନୟାଗଡ଼ ଦର୍ପଣ): ଓଡ଼ିଶା ପ୍ରାଣୀ ଚିକିତ୍ସା ସେବା ସଂଘ ନୟାଗଡ଼ ଶାଖା ପକ୍ଷରୁ ଆଜି ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ନୟାଗଡ଼ ଜିଲ୍ଲାର ୨୮ ଜଣ ପ୍ରାଣୀ ଚିକିତ୍ସକ ସାମୁହିକ ଇସ୍ତଫା ଦେଇଥିବା ସୂଚନା ଦିଆଯାଇଛି । ନୟାଗଡ଼ ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସକଙ୍କ ସମେତ ସମସ୍ତ ଡାକ୍ତର ରାଜ୍ୟ ସରକାରଙ୍କ ବେନିୟମ ବଦଳି ପ୍ରତିବାଦରେ ଇସ୍ତଫା ଦେଇଥିବା କୁହାଯାଇଛି । ଓଡ଼ିଶା ପ୍ରାଣୀ ଚିକିତ୍ସା ସେବା ସଂଘର ବିଭିନ୍ନ ଦାବି ନେଇ ସରକାରଙ୍କ ପାଖରେ ରଖିଥିବା ବେଳେ ମେ ୧ ତାରିଖରୁ ଡିଜିଟାଲ କାର୍ଯ୍ୟ ବନ୍ଦ କରିଛନ୍ତି । ଏଥିସହିତ ଛୁଟି ସମୟରେ କାର୍ଯ୍ୟ ନକରିବାକୁ ଘୋଷଣା କରିଛନ୍ତି । ସରକାର ସଂଘ ସହ ଆଲୋଚନା କରିବା ବଦଳରେ ସଂଘର କର୍ମକର୍ତ୍ତାଙ୍କୁ ବେଆଇନଭାବେ ଦୂର ଦୂରାନ୍ତକୁ ବଦଳି କରିଛନ୍ତି । ଏଥିରେ ନୟାଗଡ଼ ଜିଲ୍ଲାର ଦୁଇ ଡାକ୍ତରଙ୍କୁ ମଧ୍ୟ ଅନ୍ୟତ୍ର ବଦଳି କରାଯାଇଛି। ଡା. ଲିଙ୍କେଶ କାନୁନଗୋଙ୍କୁ ନୂଆପଡ଼ା ବଦଳି କରାଯାଇଥିବା ବେଳେ ଡା. ପ୍ରଦୀପ ଚୌଧୁରୀଙ୍କୁ ରାୟାଗଡ଼ା ବଦଳି କରାଯାଇଛି । ଯାହାକୁ ନେଇ ରାଜ୍ୟ ସଂଘ ନିଷ୍ପତ୍ତିକ୍ରମେ ଆଜି ସିଡିଭିଓ, ଏଡିଭିଓଙ୍କ ସମେତ ଜିଲ୍ଲାର ୨୮ଜଣ ପ୍ରାଣୀ ଚିକିତ୍ସକ ଜିଲ୍ଲାପାଳଙ୍କ ମାଧ୍ୟମରେ ମୁଖ୍ୟମନ୍ତ୍ରୀଙ୍କ ନିକଟକୁ ସାମୂହିକ ଇସ୍ତଫା ପତ୍ର ପଠାଇ ଥିବା ସୂଚନା ଦେଇଛନ୍ତି । ଜିଲ୍ଲା ଶାଖା ସମ୍ପାଦକ ଡା. ବିଭୂପ୍ରସାଦ ଶତପଥି, କୋଷାଧ୍ୟକ୍ଷ ଡା. ଶୁଭାଶିଷ ମହାପାତ୍ରଙ୍କ ସମେତ ଅନ୍ୟ ସଦସ୍ୟମାନେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦେଇଛନ୍ତି ।
Related posts
-
ଧର୍ମପରାୟଣ ମହିଳାଙ୍କ ପରଲୋକ
ନୟାଗଡ଼, (ନୟାଗଡ଼ ଦର୍ପଣ): ନୟାଗଡ଼ ମୁନିସିପାଲିଟି ଓ୍ବାର୍ଡ ନମ୍ବର ୧ର ଜଣେ ବିଶିଷ୍ଟ ଧର୍ମପରାୟଣ ମହିଳା ଆରତୀ ପଟ୍ଟନାୟକଙ୍କ ଦେହାନ୍ତ ହୋଇଥିବା... -
ତାଲୁକ ଲିଗାଲ ସର୍ଭିସ କମିଟି ଦ୍ୱାରା ବିଶ୍ୱ ମାନସିକ ସ୍ୱାସ୍ଥ୍ୟ ଦିବସ ପାଳିତ
ରଣପୁର,(ନୟାଗଡ଼ ଦର୍ପଣ): ରଣପୁର ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ ତଥା ତାଲୁକ ଲିଗାଲ ସର୍ଭିସ କମିଟି ତରଫରୁ ଗୁରୁବାର ଦହିଖାଇ... -
ଇଟାମାଟିରେ ସାର୍ବଜନୀନ ଦୁର୍ଗାପୂଜା ଉତ୍ସବ
ଇଟାମାଟି, (ନୟାଗଡ଼ ଦର୍ପଣ): ଇଟାମାଟି ଗ୍ରାମବାସୀଙ୍କ ତରଫରୁ ଦୀର୍ଘ ୫୮ବର୍ଷ ଧରି ପାଳିତ ହେଇଆସୁଛି ସାର୍ବଜନିନୀ ଦୁର୍ଗାପୂଜା।ଚଳିତ ବର୍ଷ ୧୦ଅକ୍ଟୋବରରୁ ମହାସପ୍ତମୀ...