ନୟାଗଡ଼,(ନୟାଗଡ଼ ଦର୍ପଣ): ନୟାଗଡ ପୂର୍ତ୍ତ ବିଭାଗ ବଙ୍ଗଳା ପରିସରରେ ସର୍ବ ଭାରତୀୟ ସମ୍ମିଳିତ କର୍ମଜୀବୀ ସାମ୍ବାଦିକ ମହାସଂଘର ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଜିଲ୍ଲାସ୍ତରୀୟ କର୍ମକର୍ତା ଚୟନ ନିମନ୍ତେ ଏହି ବୈଠକ ହୋଇଥିବା ଜଣାପଡ଼ିଛି। ଉକ୍ତ ବୈଠକରେ ଜିଲ୍ଲାର ସମସ୍ତ ବ୍ଲକର ସାମ୍ବାଦିକମାନେ ଯୋଗ ଦେଇଥିଲେ। ଏହି ବୈଠକରେ OUWJ ସଙ୍ଘର ରାଜ୍ୟ ସଭାପତି ଭାଗବତ ତ୍ରିପାଠୀ, ବିଶ୍ଵବାଣୀ ଖବର କାଗଜର ଏଡିଟର ତଥା ସଂଗଠନର ସମ୍ପାଦକ ଅର୍ଜୁନ ମୁଦୁଲି ମୁଖ୍ୟ ଅତିଥି ଭାବରେ ଯୋଗ ଦେଇଥିବା ବେଳେ ସମ୍ମାନନୀୟ ଅତିଥି ଭାବରେ ଡିଜିଟାଲ ମିଡ଼ିଆ ସାମ୍ବାଦିକ ସଂଘର ସଭାପତି ଅନୱାର ଅଲି ଯୋଗଦେଇଥିଲେ।
ସାମ୍ବାଦିକମାନଙ୍କର ବିଭିନ୍ନ ସମସ୍ୟା ଉପରେ ଆଲୋଚନା କରାଯଇଥିଲା। ରାଜ୍ୟରୁ ଆସିଥିବା ଉଭୟ ଅତିଥି ସବୁ ସମସ୍ୟାର ସମାଧାନ କରିବା କଥା କହିଥିଲେ। ପରେପରେ କର୍ମକର୍ତ୍ତା ଚୟନ କରାଯାଇ ସମାଜସେବୀ ତଥା ସାମ୍ବାଦିକ ଦେବୀ ପ୍ରସାଦ ମିଶ୍ରଙ୍କୁ ଜିଲ୍ଲା ସଭାପତି, ମାନସ କୁମାର ମିଶ୍ରଙ୍କୁ ସମ୍ପାଦକ, ଅନାୱାର ଅଲ୍ଲୀଙ୍କୁ ଆଡ଼ଭାଇଜର ଓ ଆଇନଜୀବୀ ପ୍ରଭାସିନୀ ନନ୍ଦଙ୍କୁ ସଂଗଠନ ସେକ୍ରେଟାରୀ ଭାବରେ ଚୟନ କରାଯାଇଥିଲା। ସମସ୍ତ ନବ ନିର୍ବାଚିତ ସଦସ୍ୟମାନଙ୍କୁ ରାଜ୍ୟ ସଭାପତି, ସମ୍ପାଦକ ଉପଢୌକନ ଓ ପୁଷ୍ପଗୁଛ ଦେଇ ସମ୍ମାନୀତ କରିଥିଲେ। ଖୁବଶୀଘ୍ର ଜିଲ୍ଲା ଓ ବ୍ଲକର ଅନ୍ୟ ପଦପଦବୀ ଗୁଡିକରେ ଥିବା ସଦସ୍ୟ ମାନଙ୍କର ନାମ ଘୋଷଣା କରାଯିବ। ପରେ ପରେ ଡିଜିଟାଲ ମିଡ଼ିଆର ସଭାପତି ତଥା ସଂଘର ପରାମର୍ଶ ଦାତା ନୂତନ ସଭାପତି ଦେବୀ ପ୍ରସାଦ ମିଶ୍ରଙ୍କୁ ଉଚ ପ୍ରଶଂସା କରିବା ସହ ସମସ୍ତ କ୍ଷେତ୍ରରେ ସହଯୋଗର ହାତ ବଢ଼ାଇବାର ପ୍ରତିଶୃତି ଦେଇଥିଲେ। ଚୟନ କରାଯାଇଥିବା ସଦସ୍ୟମାନେ ନିଜ ନିଜର ମନ୍ତବ୍ୟ ରଖିଥିଲେ। ଏହି ଅବସରରେ ନିମନ୍ତ୍ରିତ ସମସ୍ତ ସାମ୍ବାଦିକମାନଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। ପରିଶେଷରେ ସମସ୍ତ ସଦସ୍ୟ ଓ ଆସିଥିବା ସାମ୍ବାଦିକଙ୍କୁ ସଂଗଠନର ସମ୍ପାଦକ ମାନସ ମିଶ୍ର ଧନ୍ୟବାଦ ଅର୍ପଣ କରିଥିଲେ।
