ଓଡ଼ଗାଁ,(ନୟାଗଡ଼ ଦର୍ପଣ): ଭାରତୀୟ ରେଡକ୍ରସ ସୋସାଇଟି ଓଡ଼ିଶା ରାଜ୍ଯ ଶାଖାର ଅବୈତନିକ ସଚିବ ବିଭୂତି ଭୂଷଣ ପଟ୍ଟନାଯୟକଙ୍କ ତତ୍ତ୍ଵାବଧାନରେ ନୟାଗଡ଼ ଜିଲ୍ଲା ଓଡଗାଁ ବ୍ଲକ ବରସାହି ପଞ୍ଚାୟତ ବରସାହି ଗ୍ରାମର ଦଶ ଜଣ ଅଗ୍ନି ବିପନ୍ନ ପରିବାର ଓ ଗୋଡିପଡା ପଞ୍ଚାୟତର କୁରୁଡଙ୍ଗ ଗ୍ରାମର ପାଞ୍ଚ ଜଣ ଅଗ୍ନି ବିପନ୍ନ ପରିବାରକୁ ରେଡକ୍ରସ ତରଫରୁ ରିଲିଫ ବଣ୍ଟନ କରାଯାଇଥିଲା। ଏହି ରିଲିଫ ବଣ୍ଟନ କାର୍ଯକ୍ରମରେ ରଣପୁରର ବିଧାୟକ ସତ୍ଯ ନାରାଯ଼ଣ ପ୍ରଧାନ ଯୋଗଦେଇ ସହଯୋଗର ହାତ ବଢାଇଥିଲେ। ବିଭିନ୍ନ ପ୍ରକାର ରିଲିଫ ସାମଗ୍ରୀ ଯଥା ପାଲ, ରୋଷେଇ ସାମଗ୍ରୀ, ହାଇଜିନ୍ କିଟ୍, ମଶାରୀ, ଶାଢ଼ୀ, ଧୋତି, ବାଲଟି, ମଗ ଇତ୍ଯାଦି ବଣ୍ଟନ କରାଯାଇଥିଲା । ଏହି ରିଲିଫ କାର୍ଯକ୍ରମକୁ ଜୁନିଅର ରେଡକ୍ରସ ଅଧିକାରୀ ଲକ୍ଷ୍ମଣ ସ୍ଵାଇଁ ଏବଂ ଗୁଲଶନ କୁମାର ଦାଶ ପରିଚାଳନା କରିଥିବା ବେଳେ ଯୁବ ରେଡକ୍ରସ ପରାମର୍ଶଦାତା ନିରୋଜ ପ୍ରଧାନ, କନିଷ୍ଟ ରେଡକ୍ରସର ପରାମର୍ଶ ଦାତା ସନ୍ଯାସୀ ପ୍ରଧାନ, ଗୋସ୍ଵାମୀ ଦାସ, ଘନଶ୍ଯାମ ରାଉତ, ଅଶେଷ ସ୍ଵାଇଁ, ଦାମୋଦର ସାହୁ, ରୁଦ୍ର ମାଧବ ସେଠୀ, ରୁଦ୍ର ମାଧବ ମହାପାତ୍ର ଓ ଜିଲ୍ଲା ରେଡକ୍ରସର ଅନ୍ଯ ସଦସ୍ୟମାନେ ସହଯୋଗ କରିଥିଲେ।
