ନୟାଗଡ଼,(ନୟାଗଡ଼ ଡଦର୍ପଣ): କେନ୍ଦ୍ର ମୋଦୀ ସରକାରର ଶ୍ରମିକ ଓ କୃଷକ ବିରୋଧୀ ନୀତି ବିରୋଧରେ କେନ୍ଦ୍ରୀୟ ଟ୍ରେଡ଼ ୟୁନିୟନ ଓ କୃଷକ ସଂଗଠନ ଗୁଡିକ ତରଫରୁ ଶ୍ରମିକ, କୃଷକ ଓ ଜନଗଣଙ୍କର ୨୧ ଦଫା ଦାବୀ କୁ ନେଇ ଦେଶ ବ୍ୟାପୀ ଆଜି ଚେତାବନୀ ସମାବେଶ ଡାକରା ଦିଆ ଯାଇଥିଲା ବେଳେ ନୟାଗଡ଼ ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ କୃଷକ -ଶ୍ରମିକ ଙ୍କ ଚେତାବନୀ ବିକ୍ଷୋଭ ସଂଗଠିତ ହୋଇ ରାଷ୍ଟ୍ରପତି ଙ୍କ ଉଦ୍ଦେଶ୍ୟ ରେ ଦାବୀ ପତ୍ର ପ୍ରଦାନ କରାଯାଇଛି.। ଆଜି ଦିନ ୧୨ ଘଟିକା ସମୟରେ ନୟାଗଡ଼ PWD ବଙ୍ଗଳା ଠାରୁ ସତାଧିକ ଶ୍ରମିକ କୃଷକ ଙ୍କ ମିଳିତ ଶୋଭା ଯାତ୍ରା ବାହାରି ନୟାଗଡ ବଜାର ଦେଇ ଜିଲ୍ଲାପାଳ ଙ୍କ କାର୍ଯ୍ୟାଳୟ ସମ୍ମୁଖରେ ସାଥୀ ବିଶ୍ୱନାଥ ମହାପାତ୍ର ଙ୍କ ସଭାପତିତ୍ୱରେ ଏକ ବିକ୍ଷୋଭ ସମାବେଶ ଅନୁଷ୍ଠିତ ହୋଇଥିଲା.। ଏହି ବିକ୍ଷୋଭ ସମାବେଶରେ ବକ୍ତା ମାନେ କେନ୍ଦ୍ର ମୋଦୀ ସରକାରଙ୍କ ଶ୍ରମିକ, କୃଷକ, ଓ ଜନ ବିରୋଧୀ ନୀତି ଏବଂ ଆକାଶଛୁଆଁ ଦରବୃଦ୍ଧିକୁ ତୀବ୍ର ସମାଲୋଚନା କରିଥିଲେ.। ଜନଗଣ ଙ୍କ ଦୁର୍ଦ୍ଦିନ ଅବସ୍ଥା ପାଇଁ ମୋଦୀ ସରକାରଙ୍କ ନୀତି ଦାୟୀ ବୋଲି ଅଭିଯୋଗ କରିଥିଲେ। କେନ୍ଦ୍ର ମୋଦୀ ସରକାର ଙ୍କ ସୀତାକାଳିନ ପାର୍ଲ୍ୟାମେଣ୍ଟ ଅଧିବେଶନ ପରିପ୍ରେକ୍ଷିରେ ସରକାର ଚାଷୀଙ୍କୁ ଫସଲ ର ସର୍ବନିମ୍ନ ସାହାୟକ ମୂଲ୍ୟ, ଶ୍ରମିକ ବିରୋଧୀ ୪ଟି ଶ୍ରମ କୋର୍ଡ ବାତିଲ , ମୂଲିଆ ଙ୍କୁ ବର୍ଷକୁ ୨୦୦ ଦିନ କାର୍ଯ୍ୟ ଓ ଦୈନିକ ମଜୁରୀ ୬୦୦ ଟଙ୍କା,ଆକାଶ ଛୁଆଁ ଦରବୃଦ୍ଧି ନିୟନ୍ତ୍ରଣ, ଆଶା, ପାଚିକା ଓ ଅଙ୍ଗନବାଡ଼ି ଭଳି ସ୍କିମ ଶ୍ରମିକଙ୍କୁ ସ୍ଥାୟୀ ନିଯୁକ୍ତି ଓ ସର୍ବନିମ୍ନ ଦରମା ମାସିକ ୨୬ ହଜାର ଟଙ୍କା, ସାମାଜିକ ସୁରକ୍ଷା, ନିର୍ମାଣ ଶ୍ରମିକଙ୍କୁ ଜିଲ୍ଲାରେ ପଞ୍ଜିକରଣ ଓ ସରକାରୀ ସାହାୟତା, କୃଷି ଋଣ ଛାଡ଼, ମାସିକ ୩୦୦୦ଟଙ୍କା ଭତ୍ତା ଓ ୩୦୦ୟୁନିଟ ବିଦ୍ୟୁତ ଛାଡ଼ ତୁରନ୍ତ କାର୍ଯ୍ୟକାରୀ କରିବାକୁ ବକ୍ତାମାନେ ଦାବୀ କରିଥିଲେ।
ଜିଲ୍ଲାପାଳ ଅକ୍ଷୟ ସୁନୀଲ ଆଗ୍ରୱାଲାଙ୍କୁ ଭେଟି ପ୍ରତିନିଧିମାନେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଏକ ଦାବୀ ପତ୍ର ଦେଲା ବେଳେ ଜିଲ୍ଲାପାଳ ସାମ୍ବାଦିକ ଓ ପ୍ରତିନିଧିମାନଙ୍କ ପ୍ରତି ଆଶାଳୀନ ବ୍ୟବହାର କରିବାରୁ ଜିଲ୍ଲାପାଳଙ୍କ ଏତାଦୃଶ ସଂଯମ ହୀନ ବ୍ୟବହାରକୁ ସଂଗଠନ ତରଫରୁ ଦୃଢ଼ ନିନ୍ଦା କରାଯାଇଛି। ଜିଲ୍ଲାର ସର୍ବୋ୍ଚ୍ଚ ପ୍ରଶାସନିକ ଅଧିକାରୀଙ୍କ ଏକ ଗଣତାନ୍ତ୍ରୀକ ଆନ୍ଦୋଳନର ପ୍ରତିନିଧିଙ୍କ ପ୍ରତି ଓ ଗଣତନ୍ତ୍ରର ୪ର୍ଥ ସ୍ତମ୍ଭ ସାମ୍ବାଦିକମାନଙ୍କୁ ବାହାରି ଯିବାକୁ ଧମକ ଦେଲା ଭଳି ଦାୟୀତ୍ୱହୀନ ମନ୍ତବ୍ୟ ଦେବା ଏକ ଦୁର୍ଭାଗ୍ୟ ଜନକ ଘଟଣା ବୋଲି ସଂଗଠନ ତରଫରୁ କୁହାଯାଇଛି। ଜିଲ୍ଲାପାଳ ଏଭଳି ବ୍ୟବହାରରୁ କ୍ଷାନ୍ତ ରୁହନ୍ତୁ ନଚେତ ତୀବ୍ର ଆନ୍ଦୋଳନ ହେବ ବୋଲି ଚେତାବନି ଦିଆଯାଇଛି। ଏହି ଚେତାବନୀ ଗଣ ବିକ୍ଷୋଭରେ କୃଷକ ନେତା ହରିଶ୍ଚନ୍ଦ୍ର ମିଶ୍ର, ଶ୍ରମିକ ନେତା ଶରତ ବେହେରା, ଗୋଲକ ମୁଦୁଲି, ସୁରେଶ ସ୍ୱାଇଁ, ପବିତ୍ର ଇନ୍ଦ୍ରଜିତ, ସଂଯୁକ୍ତା ସେଠୀ, ଜୟନ୍ତୀ ଦାସ, ଚାପ ଧାରୀ ରାଉତ, ସରୋଜିନୀ ତ୍ରିପାଠି, ପ୍ରତିଭା ସାହୁ, ସୁକାନ୍ତି ଜେନା ଓ ଭିକାରୀ ସାହୁ ପ୍ରମ୍ମୁଖ ବକ୍ତବ୍ୟ ଦେଇଥିଲେ।
