ନୟାଗଡ଼, (ନୟାଗଡ଼ ଦର୍ପଣ): ନୟାଗଡ଼ ସ୍ବୟଂଶାସିତ ମହାବିଦ୍ୟାଳୟରେ ଭାରତୀୟ ସମ୍ବିଧାନ ଦିବସ ପାଳିତ ହୋଇଯାଇଅଛି। ମହାବିଦ୍ୟାଳୟର ଅଧକ୍ଷ ଡ. ବିପିନ କୁମାର ପଟ୍ଟନାୟକ କାର୍ଯ୍ୟକ୍ରମ ପରିଚାଳନା ପୂର୍ବକ ଅତିଥି ପରିଚୟ ପ୍ରଦାନକରିଥିଲେ। ଅଧ୍ୟାପକ ଗୌରହରି ସାହୁଙ୍କ ଦ୍ଵାରା ସମ୍ବିଧାନ ପ୍ରସ୍ତାବନା ପାଠ ପରେ ସଭାକାର୍ଯ୍ୟ ଆରମ୍ଭ ହୋଇଥିଲା। ଏହି ଅବସରରେ ମୁଖ୍ୟ ଅତିଥି ଭାବେ ଡେପୁଟି କମାଣ୍ଡାଣ୍ଟ ଶ୍ରୀ ଭବେଶ କୁମାର ନାୟକ, ଅଧ୍ୟକ୍ଷ, ଆରକ୍ଷୀ ପ୍ରଶିକ୍ଷଣ ବିଦ୍ୟାଳୟ, ନୟାଗଡ଼ ଉକ୍ତ ଦିବସର ମହତ୍ତ୍ଵ ସମ୍ପର୍କରେ ଆଲୋଚନା କରିଥିଲେ। ନୌସେନା ବାହିନୀର ଅଧିକାରୀ ଲେ. ଗୋଲୋକ ବିହାରୀ ନାୟକ, ସ୍ଥଳ ବାହିନୀ ଅଧିକାରୀ ଲେ. ଡ. ବିନ୍ଦୁଲତା ଷଣ୍ଢ (ବାଳିକା) ଏବଂ ଲେ. ଡ. କମଳ କୁମାର ବର୍ମା (ବାଳକ) ସହଯୋଗ କରିଥିଲେ। ମଞ୍ଚ ମଣ୍ଡନ କରିଥିଲେ, ପ୍ରାଧ୍ୟାପକ ମହାବିଦ୍ୟାଳୟର ରାଜନୀତି ବିଭାଗର ଅଧ୍ୟାପକ ଅଧ୍ୟାପିକାମାନେ ଦୁଇ ଦିନ ଧରି ଛାତ୍ରମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ଆୟୋଜନ କରିଥିଲେ। ମହାବିଦ୍ୟାଳୟର ଅଧ୍ୟାପକ ଅଧ୍ୟାପିକା, କର୍ମକର୍ତ୍ତାଗଣ, ବହୁ ଛାତ୍ରଛାତ୍ରୀ ଉପସ୍ଥିତ ରହି କାର୍ଯ୍ୟକ୍ରମକୁ ସାଫଲ୍ୟମଣ୍ଡିତ କରିଥିଲେ। ଅଧ୍ୟାପିକା ଶ୍ରୀମତୀ ରିଙ୍କୁ ଖାଡଙ୍ଗା, ଅଧ୍ୟାପକ ହରେକୃଷ୍ଣ ଦାଶ , ଶ୍ରୀ ମହାପ୍ରସାଦ ରଥ, ଅଧ୍ୟାପିକା ନିକିତା ଦାଶ, ଅଧ୍ୟାପିକା ସୁଲଗ୍ନା ସାମନ୍ତରାୟ, ଅଧ୍ୟାପିକା ସ୍ମିତା ସ୍ୱାଇଁ ଏବଂ ଅଧ୍ୟାପିକା ସସ୍ମିତା ନାୟକ କାର୍ଯ୍ୟକ୍ରମକୁ ସଂଯୋଜନା କରିଥିଲେ।କୃତୀ ଛାତ୍ର ଛାତ୍ରୀଙ୍କୁ ପୁରସ୍କାର ପ୍ରଦାନ, ଏନ ସି ସି କ୍ୟାଡେଟଙ୍କ ସାଂସ୍କୃତିକ କାର୍ଯ୍ୟକ୍ରମ ଏହି ଉତ୍ସବର ମୁଖ୍ୟ ଆକର୍ଷଣ ଥିଲା ।
ନୟାଗଡ଼ ମହାବିଦ୍ୟାଳୟରେ ଭାରତୀୟ ସମ୍ବିଧାନ ଦିବସ ପାଳିତ
