ନୟାଗଡ଼,(ନୟାଗଡ଼ ଦର୍ପଣ): ଜଗତର ନାଥ ପ୍ରଭୁ ଶ୍ରୀ ଜଗନ୍ନାଥଙ୍କ ନବକଳେବର ରଥ ଚକର ସପ୍ତମ ସ୍ଥାପନା ଦିବସ ଏବଂ ପବିତ୍ର ଦେବସ୍ନାନ ପୂର୍ଣ୍ଣମୀ ଅବସରରେ ପୁରୁଣା ସହରସ୍ଥିତ ଶ୍ରୀ ଜଗନ୍ନାଥ ମନ୍ଦିର ପ୍ରାଙ୍ଗଣରେ ସ୍ଥାନୀୟ କଣ୍ଠଶିଳ୍ପୀମାନଙ୍କୁ ନେଇ ଏକ ଭଜନ ସମାରୋହ ଅନୁଷ୍ଠିତ ହେବ। ‘କଳା, ସଂସ୍କୃତିର ଭାବମୟ ଉତ୍ତରଣ’ ଶ୍ରୀ ସୃଜନ ଅନୁଷ୍ଠାନ ଆନୁକୂଲ୍ୟରେ ଅନୁଷ୍ଠିତ ହେବା ପାଇଁ ଏକ ପ୍ରସ୍ତୁତି ବୈଠକ ନାଟ୍ୟଭୂଷଣ ଡ.ବିଜୟ କୁମାର ଚୌଧୁରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ଉପଦେଷ୍ଟା ସମାଜସେବୀ ପ୍ରମୋଦ ପଟ୍ଟନାୟକ, ସଂପାଦକ ଅଧ୍ୟାପିକା ଜୟଶ୍ରୀ ଦେବୀ, ଉପସଭାପତି ନରୁପମା ପଟ୍ଟନାୟକ, ହାସ୍ୟରସିକ ମିଷ୍ଟର କାଳିଆ, ପ୍ରଦୀପ କୁମାର ସାହୁ, ସରୋଜ କୁମାର ମିଶ୍ର ପ୍ରମୁଖ ଉପସ୍ଥିତ ରହି ଭଜନ ସନ୍ଧ୍ୟାକୁ ଆକର୍ଷଣୀୟ କରିବା ପାଇଁ ଉପାଦେୟ ପ୍ରସ୍ତାବ ଉପସ୍ଥାପନ କରିଥିଲେ।କୋଷାଧ୍ୟକ୍ଷ ମନୋଜ ମିଶ୍ର ଧନ୍ୟବାଦ ଅର୍ପଣ କରିଥିଲେ ।
ନବକଳେବର ରଥ ଚକର ସପ୍ତମ ସ୍ଥାପନା ଦିବସ ଏବଂ ଦେବସ୍ନାନ ପୂର୍ଣ୍ଣମୀରେ ହେବ ଭଜନ ସମାରୋହ
