ନୟାଗଡ଼,(ନୟାଗଡ଼ ଦର୍ପଣ): ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କ ସମ୍ମିଳନୀ କକ୍ଷରେ( ଟ୍ରେନିଙ୍ଗ୍ ୟୁନିଟ୍ )ବିଶ୍ଵ ସ୍ଵାସ୍ଥ୍ୟ ଦିବସ-୨୦୨୨ ଉପରେ ଏକ ବୈଠକ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡା.ଭିମକରନ୍ଦ ବେଉରାଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡା. ବେଉରା ପ୍ରଥମେ ସ୍ବାସ୍ଥ୍ୟଭିତିକ ବାର୍ତା ସହିତ ପୃଥିବୀକୁ ସୁନ୍ଦର କରି ରଖିବା ଆମର କର୍ତ୍ତବ୍ୟ ବୋଲି କହିଥିଲେ। ସେଥିପାଇଁ ପରିବେଶ ଠାରୁ ଆରମ୍ଭ କରି ଖାଦ୍ୟ ପାନୀୟ, ପ୍ରଦୁଷଣ ସବୁର ଦାୟିତ୍ଵ ଆମର । ଏଥିପାଇଁ ଆମେ ଯତ୍ନବାନ ହେବା ଓ ସମାଜକୁ ସଚେତନତା କରିବା ଅତ୍ୟନ୍ତ ଆବଶ୍ୟକ । ଅନ୍ୟମାନଙ୍କ ମଧ୍ୟରେ ଅତିରିକ୍ତ ଜିଲ୍ଲା ଜନସ୍ବାସ୍ଥ୍ୟ ଅଧିକାରୀ(ପରିବାର କଲ୍ୟାଣ) ଡା. ସୁବାସ ଚନ୍ଦ୍ର ନାଏକ, ଜିଲ୍ଲା ଜନସ୍ବାସ୍ଥ୍ୟ ଅଧିକାରୀ ଡା. ପୁଷ୍ପ ନିଳିମା ଲାକ୍ରା, ଜିଲ୍ଲା ସୂଚନା ଓ ଲୋକ ସଂପର୍କ ଅଧିକାରୀ ଶ୍ରୀ ସୁରେନ୍ଦ୍ର କୁମାର ସାହୁ, ସମାଜସେବୀ ଶ୍ରୀ ଦାମୋଦର ସାହୁ, ନସିଂ ଛାତ୍ରୀ ସନ୍ଧ୍ୟାରାଣୀ ସାହୁ ସେମାନଙ୍କର ଆଜିର ଦିବସ ଉପରେ ମତାମତ ରଖିଥିଲେ । ଆଜିର ଏହି ଦିବସ ଉପଲକ୍ଷେ ସକାଳ ୮ଘଟିକା ସମୟରେ ଏକ ସଚେତନତା ରାଲି ନୟାଗଡ଼ ସହର ପରିକ୍ରମା କରିଥିଲା । ଶେଷରେ ସଭାପତି ଡା. ବେଉରା ସମସ୍ତଙ୍କୁ ଧନ୍ୟବାଦ ଦେଇ ସଭାସାଙ୍ଗ କରିଥିଲେ ।
