ନୟାଗଡ଼,(ନୟାଗଡ଼ ଦର୍ପଣ): ନୟାଗଡ଼ ଜିଲ୍ଲା ୟୁନିଅନ ଅଫ ଜର୍ଣ୍ଣାଲିଷ୍ଟର ପ୍ରଥମ କାର୍ଯ୍ୟକାରିଣୀ ବୈଠକ ନୟାଗଡ଼ ଦେବୋତର କଲୋନିର ୫ନମ୍ବର ଲେନରେ ଆଜି ଅନୁଷ୍ଠିତ ହୋଇ ଯାଇଅଛି। ବୈଠକ ପ୍ରାରମ୍ଭରେ ଉପଦେଷ୍ଟା ବରିଷ୍ଠ ସଦସ୍ୟ ସଞ୍ଜୟ କୁମାର ସ୍ୱାଇଁ ଚଳିତ ବର୍ଷ ନୁତନ କର୍ମକର୍ତା ଚୟନ ଶୃଙ୍ଖଳିତ ଭାବେ କରିଥିବାରୁ ତାଙ୍କୁ ଧନ୍ୟବାଦ ଅର୍ପଣ କରାଯାଇଥିଲା । ଅନ୍ୟତମ ବରିଷ୍ଠ ସଦସ୍ୟ ଉପଦେଷ୍ଟା ତଥା ଜାତୀୟ କାର୍ଯ୍ୟକାରିଣୀ ସଦସ୍ୟ ଗୋପାଳ ଚନ୍ଦ୍ର ବିଶ୍ୱାଳ, ନବ ନର୍ବାଚିତ ସଭାପତି ଆଚାର୍ଯ୍ୟ ବିଶ୍ୱ ରଞ୍ଜନ, ଉପ ସଭାପତି ବ୍ରଜ ରଣସିଂ, ଆଲୋକ ସେନାପତି, ସାଧାରଣ ସମ୍ପାଦକ ପ୍ରଶାନ୍ତ ଜେନା, ସମ୍ପାଦକ ଦିନମଣି ମହାନ୍ତି, ଆଲୋକ ମହାରଣା, କୋଷାଧ୍ୟକ୍ଷ କୃଷ୍ଣଚନ୍ଦ୍ର ଦାସ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିରଞ୍ଚି ନାୟକ, ସଙ୍ଗଠନ ସମ୍ପାଦକ କ୍ଷୀରୋଦ ପଟ୍ଟନାୟକଙ୍କୁ ଗୋଲାପ ଫୁଲ ଦେଇ ସମ୍ବର୍ଦ୍ଧିତ କରିଥିଲେ । ଭାପୁର, ଦଶପଲ୍ଲା ଓ ନୟାଗଡ଼ରୁ ସଙ୍ଗଠନରେ ସାମିଲ ହୋଇଥିବା ଗଣ ମାଧ୍ୟମ ପ୍ରତିନିଧି ମାନଙ୍କୁ ସ୍ୱାଗତ କରାଯାଇଥିଲା । ଆଗାମୀ ଦିନରେ ନୟାଗଡ଼ ଜିଲ୍ଲାରେ ସଙ୍ଗଠନକୁ ଅଧୀକ ସୁଦୃଢ଼ କରିବା ପାଇଁ ସାଧାରଣ ସମ୍ପାଦକ ପ୍ରଶାନ୍ତ କୁମାର ଜେନା ଅନେକ ଦିଗକୁ ଗ୍ରହଣ କରିବା ପାଇଁ ମତ ବ୍ୟକ୍ତ କରିଥିଲେ । ସଭାପତି ଆଚାର୍ଯ୍ୟ ବିଶ୍ୱ ରଞ୍ଜନ ରାଜ୍ୟରେ ଓଡିଶା ୟୁନିଅନ ଅଫ ଜର୍ଣ୍ଣାଲିଷ୍ଟ ପ୍ରଶନ୍ନ ମହାନ୍ତିଙ୍କ ନେତୃତ୍ୱରେ ସାମ୍ବାଦିକ ମାନଙ୍କ ପାଇଁ ଲଢ଼େଇ ଜାରି ରଖିବା ଉପରେ ଗୁରୁତ୍ୱ ଆରୋପ କରିଥିଲେ । ନୟାଗଡ଼ ଜିଲ୍ଲା ୟୁନିଅନ ଅଫ ଜର୍ଣ୍ଣାଲିଷ୍ଟରେ ଆଗାମୀ ଦିନରେ ଭାଇ ଚାରା ସମ୍ପର୍କକୁ ବଜାୟ ରଖିବା ପାଇଁ ସମସ୍ତଙ୍କୁ ପରାମର୍ଶ ଦେଇଥିଲେ । ଶେଷରେ ବରିଷ୍ଠ ସାମ୍ବାଦିକ ତଥା ଉପଦେଷ୍ଟା ସଞ୍ଜୟ କୁମାର ସ୍ୱାଇଁ ସମସ୍ତଙ୍କୁ ଧନ୍ୟବାଦ ଦେଇଥିଲେ ।
ନୟାଗଡ଼ ଜିଲ୍ଲା ୟୁନିଅନ ଅଫ ଜର୍ଣ୍ଣାଲିଷ୍ଟର ପ୍ରଥମ କାର୍ଯ୍ୟକାରିଣୀ ବୈଠକ
