ଇଟାମାଟି: ନୟାଗଡ଼ ବ୍ଲକ ଇଟାମାଟି ଥାନା ଅଞ୍ଚଳରେ ଆଜି ସକାଳୁ ସକାଳୁ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଭୋର ସମୟରେ ଦୁଇ ଜଣ ନାବାଳିକା ପ୍ରାତଃ ଭ୍ରମଣରେ ଯାଉଥିବା ବେଳେ ଜଣେ ଅସମାଜିକ ଯୁବକ ନାବାଳିକା ମାନଙ୍କୁ ଅସଦାଚରଣ କରିବା ସହ ଦୁଃଷ୍କର୍ମ ଉଦ୍ୟମ କରିଥିବା ଇଟାମାଟି ଥାନାରେ ଅଭିଯୋଗ ହୋଇଛି । ଯୁବକ ଜଣଙ୍କ ହେଉଛନ୍ତି ଇଟାମାଟି ଗ୍ରାମ ଜଗତିପାଟଣାର କାଶିନାଥ ବେହେରାଙ୍କ ପୁଅ କିରଣ କୁମାର ବେହେରା(କିରୁ) । ସେ ଜଣେ ବିବାହିତ ବ୍ୟକ୍ତି ବୋଲି ଜଣାଯାଇଛି । ଏନେଇ ନାବାଳିକାଙ୍କ ପରିବାର ପକ୍ଷରୁ ଥାନାରେ ଅଭିଯୋଗ ହେବାପରେ ୮୦/୨୧ ରେ ମାମଲା ରୁଜୁ ହୋଇଥିବା ଇଟାମାଟି ଥାନା ଅଧିକାରୀ ବସନ୍ତ କୁମାର ସାହୁ ସୂଚନା ଦେଇଛନ୍ତି। କିରଣ ବର୍ତ୍ତମାନ ଫେରାର ହୋଇଯାଇଥିବା ବେଳେ ପୁଲିସ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।
ପ୍ରାତଃ ଭ୍ରମଣରେ ଯାଉଥିବାବେଳେ ଦୁଇ ନାବାଳିକାଙ୍କୁ ଅସଦାଚରଣ ଅଭିଯୋଗ
