ନୟାଗଡ଼,(ନୟାଗଡ଼ ଦର୍ପଣ): ନୟାଗଡ଼ ବ୍ଳକ ଲକ୍ଷ୍ମୀପ୍ରସାଦ ପଞ୍ଚାୟତ ରାଉତରାପୁର ଗାଁର ଅଷ୍ଟପ୍ରହରୀ ଓ ନାମଯଜ୍ଞ କାର୍ଯ୍ୟକ୍ରମରେ ଯୋଗଦେଲେ ବ୍ଳକ ଅଧ୍ୟକ୍ଷ କିଶୋର ଚନ୍ଦ୍ର ସାହୁ। ପ୍ରତ୍ୟେକ ଗ୍ରାମରେ ଏମିତି ଆଧ୍ୟାତ୍ମିକ ପରିବେଶ ସୃଷ୍ଟି ହେବା ସହ ଭାଇଚାରା ସୁଦୃଢ ହେବା ଏକ ଆନନ୍ଦର କଥା ଏବଂ ଏପରି କାର୍ଯ୍ୟକ୍ରମ ଆୟୋଜନ କରିଥିବା ଗ୍ରାମ୍ୟ କମିଟି ଓ ବ୍ୟକ୍ତି ବିଶେଷଙ୍କୁ ଉତ୍ସାହିତ କରିଛନ୍ତି। ତତ୍ ସହିତ ଗ୍ରାମର ବିଭିନ୍ନ ଉନ୍ନୟନ କାର୍ଯ୍ୟ ସଂପର୍କରେ ଆଲୋଚନା ଗ୍ରାମବାସୀଙ୍କ ସହ ଆଲୋଚନା କରିଛନ୍ତି।
ସେହିଭଳି ନାଟୁଗାଁ ପଞ୍ଚାୟତର ନାଏବ ସରପଞ୍ଚଙ୍କ ଶଶୁରଙ୍କ ପରଲୋକ ହେବା ଖବର ଶୁଣି ଅଧ୍ୟକ୍ଷ ଶ୍ରୀଯୁକ୍ତ ସାହୁ ମର୍ମାହତ ହେବା ସହ ଆଜି ତାଙ୍କ ପରିବାରକୁ ଭେଟି ସମବେଦନା ଜଣାଇଛନ୍ତି। ସ୍ବର୍ଗତ ଶ୍ରୀ ସ୍ୱାଇଁଙ୍କ ଅମର ଆତ୍ମାର ସଦଗତି କାମନା କରିଛନ୍ତି। ବର୍ତ୍ତମାନ ପ୍ରତ୍ୟେକ ପଞ୍ଚାୟତର ଗାଁ ଗାଁରେ ଆଲୋକୀକରଣ ବ୍ୟବସ୍ଥା କରାଯାଉଥିବା ବେଳେ ସାଲୁଣି ଗ୍ରାମରେ ଏହି ଆଲୋକୀକରଣ କାର୍ଯ୍ୟକୁ ତଦାରଖ କରିଛନ୍ତି ଅଧ୍ୟକ୍ଷଙ୍କ ସମେତ ଜନପ୍ରତିନିଧି।
ସେହିଭଳି ମା ସିନ୍ଦୁରମୁଣ୍ଡି ନାଟ୍ୟ ସଂସଦର ଯୁବକ ଗୋଷ୍ଠୀଙ୍କ ପାଖରେ ପହଞ୍ଚି ଉତ୍ସାହିତ କରିବା ସହ ଖେଡ଼ବାରଣା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଉନ୍ନୟନ ମୂଳକ କାର୍ୟ୍ଯର ସମୀକ୍ଷା କରିଥିଲେ। ଆଜିର ଏହି କାର୍ଯ୍ୟକ୍ରମରେ ବ୍ଳକ ଅଧ୍ୟକ୍ଷଙ୍କ ସହ ଜିଲ୍ଲା ପରିଷଦ ସଭ୍ୟ ସୁବାଷ ଚନ୍ଦ୍ର କଁଅର, ନାଟୁଗାଁ ସରପଞ୍ଚଙ୍କ ପ୍ରତିନିଧି ଭଗବାନ ଜେନା ପ୍ରମୁଖ ସାମିଲ ହୋଇଥିଲେ।
